تیز رفتاری کے باعث کوئٹہ میں خوفناک ٹریفک حادثہ پیش آیا ہے جس میں 5 افراد موقع پر جاں بحق ہوگئے۔

لیویز ذرائع کے مطابق حادثہ کوئٹہ کے ضلع مسلم باغ کی تحصیل خانوزئی کے قریب گوال کے علاقے میں گیس ٹینکر ٹرالر اور تیز رفتار گاڑی کے مابین تصادم کے نتیجے میں پیش آیا۔

لیویز ذرائع نے بتایا کہ خانوزئی کے قریب گیس ٹینکر ٹرالر اور گاڑی میں آپس میں ٹکرا گئیں جس کے باعث 5 افراد جاں بحق ہوگئے جن میں 3 خواتین بھی شامل ہیں۔

ذرائع نے مزید بتایا کہ ٹریفک حادثے میں جاں بحق ہونے والوں میں بلوچستان پولیس کے ڈی ایس پی مختیار حسین سمیت انکی اہلیہ اور بیٹا بیٹی بھی شامل ہیں۔

واضح رہے کہ ڈی ایس پی مختیار حسین بلوچستان کانسٹیبلری کے ونگ کمانڈر لورالائی تعینات تھے، جن کا تعلق تونسہ شریف سے تھا۔

قلعہ سیف اللہ؛ ٹریفک حادثہ میں7 افراد جاں بحق، 25 زخمی