سابق وفاقی وزیر علی زیدی نے کہا ہے کہ اس وقت ملک میں سیاسی انجینئرنگ ہو رہی ہے اور مجبور قومی موومنٹ سیاسی انجینئرنگ کے تحت متحد ہو رہی ہے۔

تفصیلات کے مطابق پاکستان تحریک انصاف کے سینئر رہنما عمران اسماعیل اور علی زیدی نے پریس کانفرنس کرتے ہوئے کہا کہ کل وزیراعلیٰ ہاؤس میں رات کے اندھیرے میں تماشہ لگا تھا۔

پہلے 13 جماعتیں فارغ ہوئیں اب یہ تینوں جماعتیں فارغ ہونگی، علی زیدی

Advertisement

براہ راست دیکھیں: https://www.bolnews.com/urdu/pakistan/2023/01/596473/amp/#BOLNews #Alizaidi@AliHZaidiPTI pic.twitter.com/Rn0JIAUGb4

— BOL Network (@BOLNETWORK) January 13, 2023

انہوں نے بتایا کہ دھمکیاں دی گئیں ہیں انتخابات کرائے تو شارع فیصل بند کردینگے ججس پر ہمارا جواب ہے کہ فاروق ستار شارع فیصل بند کریں، ہمارے ووٹرز انتخابات کرادیں گے۔

انہوں نے کہا کہ جماعت اسلامی نے ضمنی انتخابات میں حصہ نہیں لیا کیونکہ ان کے پاس ضمنی الیکشن کیلئے امیدوار نہیں تھا، یہ صرف سوشل میڈیا پر ہی میئر بنے ہیں۔

یہ بھی پڑھیں: بلدیاتی انتخابات ملتوی، جماعت اسلامی کا الیکشن کمیشن کے باہر دھرنا دینے کا اعلان

انہوں نے مزید کہا کہ یہ تینوں جماعتیں ملکر بھی ہمیں شکست نہیں دے سکتیں کیونکہ این اے 244 میں تینوں نے ملکر 21 ہزار 745 ووٹ لیے تھے جبکہ پی ٹی آئی نے 70 ہزار ووٹ حاصل کیے تھے ۔

علی زیدی کا کہنا تھا کہ پہلے 13 جماعتیں فارغ ہوئیں تھی اور اب یہ تین جماعتیں فارغ ہونگی۔

اس سے قبل سابق گورنر سندھ عمران اسماعیل نے کہا کہ  موجودہ تمام مسائل کا حل مضبوط حکومت کا قیام ہے اور پی ٹی آئی انتخابات میں دو تہائی اکثریت سےآئے گی۔

انہوں نے کہا کہ پی ٹی آئی آج حقیقی سیاسی طاقت بن چکی ہے اور ملک میں کہیں بھی انتخاب کرائیں جیت عمران خان کی ہوگی۔

انہوں نے مزید کہا کہ عمران خان کو شکست دینے والا کوئی موجود نہیں ہے اور بلدیاتی الیکشن کے التواء کی وجہ عمران خان کا خوف ہے۔

عمران اسماعیل کا کہنا تھا کہ کہاں گئے وہ لوگ جو کہتے تھے اسمبلیاں تحلیل نہیں ہونگی کیونکہ آئیندہ 48 گھنٹے میں پنجاب اسمبلی تحلیل ہوجائے گی اور پنجاب کے بعد خیبرپختونخوا اسمبلی تحلیل کی جائے گی۔

یہ بھی پڑھیں: کراچی اور حیدرآبادمیں 15 جنوری کو الیکشن نہیں ہونگے، شرجیل انعام میمن