سابق وزیر خزانہ شوکت ترین اور مزمل اسلم نے موجودہ حکومت کو مہنگائی کم کرنے کا ممکنہ حل بتادیا۔

تفصیلات کےمطابق پاکستان تحریک انصاف کے رہنماؤں شوکت ترین اور مزمل اسلم نے کراچی پریس کلب میں پریس کانفرنس کے دوران کہا کہ پورٹ پر پھنسے کنٹینرز کو ریلیز کرنے سے مہنگائی  کم ہوسکتی ہے۔

شوکت ترین

شوکت ترین نے کہا کہ غریب روٹی  اور پیاز سے گزارا کرتا ہے ، اس کی قیمت 230 روپے ہے۔ پورٹ پر دالیں اور پیاز پڑی ہے اس کو ریلیز کیاجائے۔

مزید پڑھیں: سیاسی عدم استحکام کی وجہ سے ڈالر کی فراہمی نہیں ہے، شوکت ترین

انہوں نے کہا کہ آئی ایم ایف بتا رہا ہے پاکستان مالیاتی خسارے میں جا رہا ہے۔  زرمبادلہ  کے ذخائر 4.2 ارب ڈالرز رہ گئے ہیں۔

شوکت ترین کا کہنا تھا کہ  تاجر اسٹیٹ بینک ہیڈ آفس کے باہر احتجاج کرنے پر مجبورہیں۔ ایل سیز نہ کھولنےکی وجہ سے احتجاج بھی ہو رہےہیں۔

ان کا مزید کہنا تھا کہ  ادائیگیوں کے لیے حکومت کو پیسوں کی ضرورت ہے ۔  قرض  لے کر خسارہ کتنی دیر تک پورا کیا جاسکتا ہے۔

مزمل اسلم

مزمل اسلم نے کہا کہ 700  کنٹینرز پورٹ پر پڑے ہیں۔ 15 ہزار ڈالر پورٹ پر ڈیمریج چارجز لگ گئے ہیں۔ پورٹ پر پھنسی درآمدات کو کلیئر کیا جائے تاکہ مہنگائی کم ہو۔

مزید پڑھیں: معیشت کا برا حال ہے اور حکومت ٹس سے مس نہیں ہورہی ، مزمل اسلم

انہوں نے کہا کہ زرمبادلہ کے ذخائر 4.3  ارب ڈالرز ہیں اور   ساڑھے 8 ارب ڈالرز اگلے 3 ماہ میں ادا کرنے ہیں۔

مزمل اسلم کا کہنا تھا کہ  اسحاق ڈار نے دعوے کیے تھے کہ جنوری میں ڈالر آرہے ہیں۔ اسحاق ڈار بتائیں وہ ڈالر کہاں ہیں۔