ملک میں بدلتی سیاسی صورتحال کی پیش نظر قائد مسلم لیگ ن نواز شریف نے رانا ثناء اللہ کو فوری طور پر لندن طلب کرلیا ہے۔

اس حوالے سے ذرائع کا کہنا ہے کہ پاکستان میں موجودہ سیاسی صورتحال کے معاملے پر قائد مسلم لیگ ن کی پارٹی رہنماوں سے مشاورت جاری ہے اور اسی سلسلے کے تحت وفاقی وزیر داخلہ کو بھی لندن طلب کرلیا گیا ہے۔

عمران خان کے سیاسی باؤنسرز سے ن لیگ میں کھلبلی
نواز شریف نے رانا ثنا اللہ کو فوری لندن طلب کرلیا

Advertisement

براہ راست دیکھیں :https://www.bolnews.com/urdu/pakistan/2023/01/643734/amp/#BOLNews #NawazSharif pic.twitter.com/URd6hOxkeb

— BOL Network (@BOLNETWORK) January 14, 2023

ذرائع نے بتایا ہے کہ ملاقات کے دوران رانا ثنا اللہ نواز شریف کو پنجاب اسمبلی میں پیدا ہونے والی صورتحال پر اعتماد میں لیں گے جبکہ وزیر داخلہ  کو ملک کی سیاسی صورتحال میں اہم ٹاسک دیئے جانے کا امکان ہے۔

ذرائع کا کہنا تھا کہ مشاورت کے دوران عدالتوں میں کیسز اور آئندہ کی پیش رفت پر بھی امور زیر غور آئیں گے۔

یہ بھی پڑھیں: پنجاب کی سیاسی صورتحال، پی ڈی ایم جماعتوں میں ٹیلی فونک رابطے

اسکے علاوہ سینئر نائب صدر مسلم لیگ ن مریم نواز کی وطن واپسی سے متعلق امور کا بھی جائزہ لیا جائے گا۔

ذرائع کے مطابق نواز شریف نے اس قبل سردار ایاز صادق اور خواجہ آصف سے بھی سیاسی امور پر مشاورت کی ہے۔

علاوہ ازیں مسلم لیگ ن کے سیکرٹری جنرل احسن اقبال کی مسلم لیگ ن کے قائد نواز شریف اور سینیر نائب صدرمریم نواز سے لندن میں ملاقات ہوئی جس میں ملکی مجموعی معاشی اور سیاسی صورتحال پر تبادلہ خیال کیا گیا۔

اس حوالے سے ذرائع نے بتایا کہ ملاقات میں پنجاب کی موجودہ صورت حال اور پارٹی کے تنظیمی ڈھانچے پر بھی گفتگو کی گئی۔

ذرائع کے مطابق ملاقات میں نواز شریف نے احسن اقبال کو انٹرا پارٹی انتخابات کی تیاریوں کا حکم دے دیا۔

ذرائع کا کہنا تھا کہ نواز شریف نے پنجاب میں ن لیگ کو فعال کرنے اور پارٹی کو فعال بنانے کیلئے غیر معمولی اقدامات کی ہدایت دیتے ہوئے کہا کہ اب ہمیں بھی روایتی طریقوں سے ہٹ کر پالیسی اپنانا ہوگی۔

ن کی سینٹرل ایگزیکٹو کمیٹی کا اجلاس

دوسری جانب مسلم لیگ ن کی سینٹرل ایگزیکٹو کمیٹی کا اجلاس آئندہ ہفتے طلب  کرلیا گیا ہے جس کی صدارت وزیراعظم شہباز شریف کریں گے۔

اجلاس میں آئندہ کی سیاسی حکمت عملی مرتب کرنے کے لئے مشاورت ہوگی جبکہ مریم نواز شریف کی پاکستان واپسی کا فیصلہ کیا جائے۔

اجلاس میں انٹرا پارٹی انتخابات سے متعلق امور کو حتمی شکل دی جائے گی اور ملک میں عام انتخابات کے حوالے سے امور کا بھی جائزہ لیا جائے گا۔

خیال رہے کہ اجلاس کی تاریخ اور مقام کا تعین ایک دو دن میں کرلیا جائے گا جس میں میاں نواز شریف اور مریم نواز لندن سے بذریعہ ویڈیولنک اجلاس میں شرکت کریں گے۔