سابق وفاقی وزیر داخلہ شیخ رشید کی رہائش گاہ لال حویلی  کو سیل کردیا گیا ہے۔

تفصیلات کے مطابق متروکہ وقف املاک بورڈ راولپنڈی کی جانب سے سابق وزیر داخلہ شیخ رشید کی رہائش گاہ لال حویلی کو سیل کیا گیا ہے۔

سابق وزیر داخلہ شیخ رشید کی رہائش گاہ لال حویلی کو کردیا۔حکومت کی ایک اور انتقامی کارروائی ، ایف آئی اے اور پولیس کی بھاری نفری کے ساتھ لال پہنچ گئی.#BOLNews #LalHaveliSealed pic.twitter.com/V85z6mM9GX

— BOL Network (@BOLNETWORK) January 30, 2023

ڈپٹی ایڈمنسٹریٹر وقف املاک آصف خان پولیس کی بھاری نفری کے ساتھ لال حویلی پہنچ گئے اور ایف آئی اے کی نفری بھی لال حویلی پہنچ گئی تھی۔ لال حویلی سیل آپریشن میں وقف املاک کو ایف آئی اے کی مدد بھی حاصل ہے۔

اس حوالے سے ڈپٹی ایڈمنسٹریٹر آصف خان نے بتایا کہ شیخ رشید اور انکے بھائی شیخ صدیق لال حویلی سمیت وقف املاک کی سات اراضی یونِٹس پر غیر قانونی قابض ہیں۔

ڈپٹی ایڈمنسٹریٹر کا کہنا ہے کہ شیخ رشید اور انکے بھائی شیخ صدیق کو متعدد نوٹسز بھیجے گئے ہیں، جس کے بعد بھی یہ کوئی ریکارڈ یا مستند دستاویز پیش نہیں کرسکے۔

آصف خان نے مزید کہا کہ عدالت بھی سابق وفاقی وزیر شیخ رشید کی حکم امتناع کے درخواست خارج کرچکا ہے۔

لال حویلی سیل کرنے کی سی سی ٹی وی فوٹیج سامنے آگئی

دوسری جانب سابق وفاقی وزیر شیخ رشید احمد کی لال حویلی سیل کرنے کی سی سی ٹی وی فوٹیج سامنے آگئی ہے۔

شیخ رشید کی رہائش گاہ لال حویلی سے سکیورٹی ہٹا دی گئی ، لال حویلی کا قبضہ واگزار کرانے کیلئے ایف آئی اے اور پولیس کی مدد طلب کر لی گئی ہے۔#BOLNews #SheikhRasheed@PTIofficial @ShkhRasheed pic.twitter.com/ovURpdtDIl

— BOL Network (@BOLNETWORK) January 30, 2023

متروکہ وقف املاک اور ایف آئی اے اور پولیس کو دس چھوٹی اور کچھ بڑی گاڑیوں میں لال حویلی آتے دیکھا جاسکتا ہے۔

سی سی ٹی وی فوٹیج میں دیکھا جاسکتا ہے کہ ڈپٹی ایڈمنسٹریٹر آصف خان کی قیادت میں لال حویلی کو چاروں اطراف سے گھیر لیا گیا ہے۔

مزید پڑھیں: لال حویلی کا معاملہ، وکیلِ درخواستگزارکوہرصورت بحث کیلئے پیش ہونے کا حکم

واضح رہے کہ وقف املاک نے ڈپٹی کمشنر راولپنڈی، سی پی او اور ڈائریکٹر ایف آئی کو معاونت کیلئے پہلے ہی خطوط ارسال کیے تھے۔

اس کے علاوہ تیس جنوری کو لال حویلی آپریشن کیلئے ضلعی انتظامیہ پولیس اور ایف آئی اے سے مدد طلب کی گئی تھی۔

یاد رہے کہ متروکہ وقف املاک بورڈ راولپنڈی کے لال حویلی کے خلاف کارروائی کو ماتحت عدالت میں سابق وفاقی وزیر داخلہ شیخ رشید احمد نے چیلنج کر رکھا ہے۔