کمانڈر کینیا نیوی میجر جنرل جیمسن لانگریو متائی کی جانب سے  نیول ہیڈکوارٹرز کا دورہ کیا گیا ہے۔

اس حوالے سے ترجمان پاک بحریہ کا کہنا ہے کہ کمانڈر کینیا نیوی میجر جنرل جیمسن لانگریو متائی کا نیول ہیڈکوارٹرز آمد پر پاک بحریہ کے سربراہ ایڈمرل محمد امجد خان نیازی نے معزز مہمان کا استقبال کیا۔

ترجمان نے بتایا کہ پاک بحریہ کے چاقو چوبند دستے نے معزز مہمان کو گارڈ آ ف آنر پیش کیا جبکہ معزز مہمان نے یادگار شہداء پر پھولوں کی چادر چڑھائی اور بعد ازاں نیول ہیڈکوارٹرز کے پرنسپل اسٹاف آفیسرز سے ان کا تعارف کرایا گیا۔

ترجمان کا کہنا تھا کہ کمانڈر کینیا نیوی اور پاک بحریہ کے سربراہ ایڈمرل محمد امجد خان نیازی نے ملاقات کے دوران باہمی دلچسپی کے امور اور دو طرفہ بحری تعاون کے فروغ پر تبادلہ خیال کیا۔

یہ بھی پڑھیں: نیول ہیڈکوارٹرز، پاک بحریہ کی کمانڈ اینڈ اسٹاف کانفرنس کا انعقاد

ترجمان پاک بحریہ کے مطابق معزز مہمان کو پاک بحریہ کی ذمہ داریوں اور استعداد کار کے حوالے سے بریفنگ دی گئی۔

پاک بحریہ کے ترجمان نے بتایا کہ کمانڈر کینیا نیوی نے خطے میں میری ٹائم سیکیورٹی کے حوالے سے پاک بحریہ کی کاوشوں کو سراہا۔

اس ملاقات کے حوالے سے ترجمان کا کہنا تھا کہمیجر جنرل جیمسن لانگریو متائی کے دورے سے دونوں ممالک بلخصوص بحری افواج کے مابین دوطرفہ تعلقات کو مزید فروغ ملے گا۔