بنوں میں پولیس اور شرپسندوں کے درمیان فائرنگ کا تبادلے کے دوران 2 دہشتگرد ہلاک ہوگئے۔

تفصیلات کے مطابق بنوں اور لکی مروت پولیس نے شمونی خٹک کے علاقے میں مشترکہ کارروائی کرتے ہوئے پولیس موبائل پر فائرنگ کرنے والے دو مشتبہ دہشت گردوں کو ہلاک کر دیا۔

یہ بھی پڑھیں: بنوں میں سیکیورٹی فورسز کی کارروائی، 4 دہشتگرد ہلاک، ایک جوان شہید

پولیس کے مطابق بنوں اور لکی مروت کے اہلکاروں نے شامونی خٹک کے علاقے میں مشترکہ کارروائی کی۔ پولیس اہلکاروں اور شرپسندوں کے درمیان فائرنگ کا تبادلہ ہوا۔ جس کے نتیجے میں دو مشتبہ دہشت گرد مارے گئے۔

مارے گئے دہشت گرد دو روز قبل ڈومیل پولیس موبائل پر فائرنگ میں ملوث تھے جس میں ایک پولیس اہلکار شہید اور دوسرا زخمی ہوا تھا۔

قانون نافذ کرنے والے ادارے گزشتہ دو روز سے دہشت گردوں کی تلاش میں تھے۔