صدر مملکت نے اسلام آباد لوکل گورنمنٹ (ترمیمی) بل کو بغیر دستخط کے واپس کر دیا۔

تفصیلات کے مطابق اسلام آباد لوکل گورنمنٹ ترمیمی بل کے معاملے پر  صدر عارف علوی اور حکومت پھر آمنے سامنے آگئی ہے، صدر نے ن لیگ کی بلدیاتی انتخابات سے فرار کی کوشش ناکام بنا دی۔

اسلام آباد لوکل گورنمنٹ ترمیمی بل
صدر عارف علوی اور حکومت پھر آمنے سامنے
صدر نے ن لیگ کی بلدیاتی انتخابات سے فرار کی کوشش ناکام بنا دی #BOLNews #BreakingNews #ArifAlvi pic.twitter.com/W9zJceSYp4

— BOL Network (@BOLNETWORK) January 1, 2023

صدر مملکت ڈاکٹر عارف علوی نے اسلام آباد لوکل گورنمنٹ ترمیمی بل پر اعتراضات لگا کر بغیر دستخط کیے حکومت کو واپس بھیج دیا۔

صدر مملکت نے آئین کے آرٹیکل 75 کی شق بی ون کے تحت ترمیمی بل واپس کیا، انکا کہنا تھا کہ اس بل سے بلدیاتی انتخابات تاخیر کا شکار ہونگے۔

یہ بھی پڑھیں: الیکشن کمیشن کو 31 دسمبر کو بلدیاتی انتخابات کروانے کا حکم

ایوان صدر نے کہا کہ وفاقی حکومت کے جلد بازی کے اس اقدامات سے انتجابی عمل تاخیر کا شکار ہوگا جو جمہوریت کی بے حرمتی ہے۔

صدر مملکت عارف علوی نے مزید کہا کہ حکومت کے غلط اقدامات کی وجہ سے اسلام آباد میں انتخابات کا انعقاد نہیں ہو سکا۔

خیال رہے کہ اسلام آباد ہائی کورٹ نے 30 دسمبر 2022 کو الیکشن کمیشن کو حکم دیا تھا کہ شیڈول کے مطابق وفاقی دارالحکومت کی 101یونین کونسلز پر ہفتے (31 دسمبر) کو ہی پولنگ کرائی جائے۔

الیکشن کمیشن کا اسلام آباد میں بلدیاتی انتخابات کرانے سے انکار

دوسری جانب الیکشن کمیشن نے اسلام آباد میں 31 دسمبر کو بلدیاتی انتخابات کرانے سے انکار کردیا تھا۔

اسلام آباد ہائی کورٹ نے کل 31 دسمبر کو اسلام آباد میں بلدیاتی انتخابات کرانے کا حکم دیا تھا جس پر الیکشن کمیشن نے ہنگامی اجلاس طلب کیا۔

اجلاس کی صدارت ڈی جی لاء محمد ارشد نے کی تھی جس میں چیف الیکشن کمشنر نے ویڈیو لنک کے ذریعے شرکت کی۔

اجلاس میں اسلام آباد ہائی کورٹ کے فیصلے کے خلاف انٹرا کورٹ اپیل دائر کرنے کا فیصلہ کیا گیا تھا جب کہ الیکشن کمیشن کی قانونی ٹیم اسلام آباد ہائی کورٹ میں موجود ہے۔

انتخابات کے لیے 7 دن کا وقت درکار

الیکشن کمیشن کے ذرائع کے مطابق بلدیاتی انتخابات کل نہیں کراسکتے، بلدیاتی انتخابات کرانے کے لیے کم از کم سات دن کا وقت درکار ہے۔

اجلاس میں بریفنگ کے دوران کہا گیا کہ تمام ریٹرننگ افسران اپنے گھروں کو جاچکے ہیں اور انتخابی سامان کی ترسیل کے لیے وقت درکار ہے۔

الیکشن کمیشن میں افرا تفری

ذرائع کے مطابق الیکشن کمیشن میں افراتفری کی صورت حال پیدا ہوگئی ہے جب کہ پولنگ اور سیکیورٹی عملے کی تعیناتی الیکشن کمیشن کے لیے بڑا چیلنج بن گیا ہے۔

اتنی کم مہلت میں ٹرانسپورٹ اور پولنگ مواد کی پولنگ اسٹیشن تک ترسیل دشوار ہے، پولنگ مواد پولنگ اسٹیشن پہنچانا اور پولنگ بوتھ کا قیام بڑا چیلنج ہے۔

مزید پڑھیں: اتنے کم وقت میں پولنگ اسٹیشنز پر سیکیورٹی نہیں دے سکتے، وفاقی وزیر داخلہ

پریزائیڈنگ افسران کو محکمہ تعلیم سے لیا گیا تھا جن کی چھٹیاں منسوخ تھیں، الیکشن کا شیڈول کالعدم ہونے پر پریزائیڈنگ افسران واپس اپنے محکمے کے ڈسپوزل پر چلے گئے ہیں۔

ذرائع کا کہنا ہے کہ اس وقت پریزاڈنگ افسران اور پولنگ عملہ کہاں ہے معلوم نہیں، انہیں واپس لینا بڑا ٹاسک ہے جب کہ بیلیٹ مواد کی ترسیل الیکشن کمیشن کے لیے بہت مشکل ٹاسک ہے ، اس کے  لیے فول پروف سیکیورٹی درکار ہے۔

الیکشن کمیشن کا رانا ثناءاللہ سے ٹیلی فونک رابطہ

الیکشن کمیشن نے وفاقی وزیر داخلہ رانا ثناء اللہ سے ٹیلیفونک رابطہ کیا جس دوران الیکشن کمیشن نےبلدیاتی انتخابات کے حوالے سے وزیر داخلہ سے مشاورت کی۔

رابطے میں اسلام آباد ہائی کورٹ کے فیصلے کا جائزہ لیا گیا، الیکشن کمیشن نے رانا ثناء اللہ سے کل صبح تک پولنگ اسٹیشنز سیکیورٹی پر بات کی۔

وفاقی وزیر داخلہ رانا ثناء اللہ کا کہنا تھا کہ اتنے کم وقت میں پولنگ اسٹیشنز پر سیکیورٹی نہیں دے سکتے۔