رکنِ صوبائی اسمبلی زہرہ نقوی نے بھی وزیراعلیٰ پنجاب چودھری پرویز الہٰی کو اعتماد کا ووٹ دینے کا اعلان کیا ہے۔

تفصیلات کے مطابق وزیراعلیٰ پنجاب کی جانب سے ایوان سے اعتماد کا ووٹ لینے کے معاملے پر مجلس وحدت المسلمین کے سربراہ علامہ راجہ  ناصر عباس کی قیادت میں وفد کی چیئرمین تحریک  انصاف سے خصوصی ملاقات ہوئی جس میں ملکی سیاسی صورتحال، دونوں جماعتوں کے مابین اشتراک اور باہمی دلچسپی کے امور پر تفصیلی تبادلہ خیال کیا گیا۔

ملاقات میں مجلس وحدت المسلمین کے تمام تحفظات دور کردیے گئے جبکہ رکنِ صوبائی اسمبلی زہرہ نقوی کے تحفظات پر بھی بات چیت کی گئی۔

مجلسِ وحدت المسلمین نے چیئرمین عمران خان کے ایجنڈے اور تحریک انصاف کے سیاسی پروگرام کی بھرپور حمایت جاری رکھنے کا اعلان کیا اور کہا کہ رکن صوبائی اسمبلی زہرہ نقوی بھی چودھری پرویز الہٰی کو اعتماد کا ووٹ دیں گی۔

ملاقات میں چیئرمین عمران خان کی جانب سے مجلس وحدت المسلمین کے قائدین کا شکریہ ادا کیا گیا۔

سنی اتحاد کونسل کے سربراہ صاحبزادہ حامد رضا بھی ملاقات میں موجود تھے۔