حال ہی میں ہینلے پاسپورٹ انڈیکس نے 2023 کے لیے دنیا کے طاقتور پاسپورٹس کی فہرست جاری کی ہے۔

ہینلے پاسپورٹ انڈیکس کی جاری کردہ فہرست کے مطابق  جاپان ایک مرتبہ پھر طاقتور ترین پاسپورٹ کے ساتھ سرفہرست ہے جس کے پاسپورٹ پر دنیا کے 193 ممالک میں بغیر ویزا کے سفر کیا جاسکتا ہے۔

مزید پڑھیں: پاسپورٹ نارنجی یا جامنی رنگ میں کیوں نہیں ہوتا؟

اس  فہرست میں پاکستانی پاسپورٹ کا شمار بالکل آخر میں ہوتا ہے جس کے حامل شہری صرف 32 ممالک میں آن ارائیول ویزا حاصل کرسکتے ہیں۔

پاکستان سے نیچے صرف شام، عراق اور افغانستان کے پاسپورٹ ہیں جن کے حامل افراد  کو بالترتیب 30، 29  اور 27  ممالک میں یہ سہولت حاصل ہے۔

مزید پڑھیں: یورپی یونین کا روسیوں کے لیے گولڈن پاسپورٹ پر پابندی عائد کرنے کا فیصلہ

پاکستانی پاسپورٹ پر  جن 32 ممالک میں آن ارائیول ویزا کی سہولت حاصل ہے وہ مندرجہ ذیل ہیں۔

اوشیانیا:

کک آئی لینڈ، نائی، ساموا، وانوٹا، مائیکرونیشیا، پلاؤ آئی لینڈ، ٹووالو

مشرق وسطیٰ:

قطر

کیریبئن : 

ڈومینیکا، مونٹ سیراٹ، ٹرینڈاڈ اینڈ ٹوباگو، ہیٹی،  سینٹ ونسینٹ اینڈ دی گرینا ڈائنز ،

ایشیا:

کمبوڈیا ، نیپال، مالدیپ، ٹیمور لیسٹے

افریقہ:

برونڈی، کمورو آئی لینڈ، ماڈاگاسکر، موزمبیق، سینیگال، سیرا لیون، تنزانیہ، یوگانڈا، کیپ ورڈے آئی لینڈ، گوئنا بساؤ، موریٹانیا، روانڈا، سیشیلز، صومالیہ، ٹوگو