سابق اسپیکر قومی اسمبلی اسد قیصر نے کہا ہے کہ امپورٹڈ حکومت نے مستحکم معیشت کا دیوالیہ کر دیا ہے۔

تفصیلات کے مطابق سابق اسپیکر قومی اسمبلی اسد قیصر نے صوابی میں شمولیتی تقریب سے خطاب کرتے ہوئے کہا کہ امپورٹڈ حکومت نے صرف 9 ماہ میں مستحکم معیشت کا دیوالیہ کر دیا ہے جبکہ ہماری حکومت 17 ارب ڈالر زرمبادلہ کے ذخائر چھوڑ کر گئی تھی۔

انہوں نے کہا کہ اس وقت ملکی زرمبادلہ کے ذخائر تقریباً 4 ارب ڈالرز ہیں جبکہ ہمارے دور میں کرونا کے باوجود صنعتی زرنز کو مراعات دی گئی تھی۔

ان کا کہنا تھا کہ آج فیصل آباد سمیت ملک بھر میں صنعتی زونز بند ہو رہے ہیں۔

یہ بھی پڑھیں؛ بیرون ملک مقیم پاکستانی ملک کا قیمتی اثاثہ ہے، اسد قیصر

اسد قیصر نے کہا کہ ہمارے دور میں مہنگائی کے خلاف احتجاج کرنے والے آج کل مہنگائی کے خلف خاموش ہیں۔

انہوں نے کہا کہ اسلام کو اقتدار اور اپنے مقاصد حاصل کرنے کیلئے استعمال کرنے والوں کے خلاف ہیں۔

یہ بھی پڑھیں؛ پی ڈی ایم کی الیکشن سے بھاگنے کی وجہ شکست کا ڈر ہے، اسد قیصر

ان کا کہنا تھا کہ کارکنان خیبر پختونخوا اور پنجاب اسمبلیوں کے انتخابات کی تیاری کریں۔

سابق اسپیکر قومی اسمبلی اسد قیصر نے مزید کہا کہ ملکی معیشت کو موجودہ بحران سے نکالنے کیلئے صاف شفاف انتخابات ناگزیر ہیں۔