پاکستان کی جانب سے اسرائیلی وزیر اطمار بین گویر کے مسجد اقصیٰ کے اشتعال انگیز دورے کی شدید مذمت کی گئی ہے۔

ترجمان دفتر خارجہ ممتاز زہرا بلوچ نے اپنے جاری کردہ ایک بیان میں کہا کہ اسرائیلی وزیر قومی سلامتی کا مسجد اقصیٰ کے احاطے کا اشتعال انگیز دورہ انتہائی قابل مذمت ہے، مسجد الاقصیٰ دنیا بھر کے مسلمانوں کے لیے انتہائی قابل احترام، مقدس مقام ہے۔

🔊: PR NO. 0️⃣4️⃣/2️⃣0️⃣2️⃣3️⃣

Pakistan Strongly Condemns Israeli Minister’s Visit to Holy Al-Aqsa Mosque

Advertisement

🔗⬇️https://www.bolnews.com/urdu/pakistan/2023/01/879118/amp/ pic.twitter.com/6jMbVucRT1

— Ministry of Foreign Affairs – Pakistan (@ForeignOfficePk) January 4, 2023

انہوں نے کہا کہ مسجد الاقصیٰ کے تقدس کی بے حرمتی مسلمانوں کی مذہبی حساسیت کو مجروح کرتی ہے، اقدام مقبوضہ فلسطینی علاقوں میں پہلے سے کشیدہ صورتحال کو مزید ہوا دینے کے مترادف ہے۔

دفتر خارجہ کی ترجمان نے کہا کہ اسرائیل غیر قانونی اقدامات بند، مقبوضہ فلسطینی علاقوں میں مسلم مذہبی مقامات کے تقدس کا احترام کرے۔

پاکستان، فلسطینی عوام کی جائز جدوجہد کی حمایت کا اعادہ کرتا ہے

انکا کہنا ہے کہ پاکستان، فلسطینی عوام کی جائز جدوجہد کی بھرپور حمایت کا اعادہ کرتا ہے، پاکستان، اقوام متحدہ اور اسلامی تعاون تنظیم کی متعلقہ قراردادوں کے مطابق مسئلہ فلسطین کا حل چاہتا ہے۔

یہ بھی پڑھیں: سعودی عرب نے اسرائیلی وزیر کی مسجد اقصیٰ آمد کو اشتعال انگیزی قرار دے دیا

ترجمان دفتر خارجہ نے مزید کہا کہ پاکستان 1967ء سے پہلے کی سرحدوں کے مطابق قابل عمل، آزاد و خود مختار فلسطینی ریاست کا مطالبہ دہراتا ہے، پاکستان ایسی آزاد فلسطینی ریاست چاہتا ہے جس کا دارالحکومت القدس الشریف ہو۔

دوسری جانب وزیر خارجہ بلاول بھٹو زرداری نے بھی اپنے ٹوئٹر پر کہا کہ پاکستان اسرائیل کے وزیر کی مسجد اقصیٰ کے اشتعال انگیز دورے پر شدید مذمت کرتا ہے۔

Pakistan strongly condemns the insensitive and provocative visit of Israeli Minister of National Security to the Holy Al-Aqsa Mosque compound. https://www.bolnews.com/urdu/pakistan/2023/01/879118/amp/

Advertisement

— BilawalBhuttoZardari (@BBhuttoZardari) January 4, 2023

اسرائیلی وزیر کا دورہ مسجد اقصیٰ

واضح رہے کہ گزشتہ روز اسرائیلی وزیر اطمار بین گویر نے سخت حفاظتی اقدامات میں مسجد اقصیٰ کا دورہ کیا تھا، اسرائیلی وزیر کے اس دورے کی وجہ سے عرب ریاستوں شدید غم و غصے کی لہر دوڑ گئی۔

مختلف عرب ریاستوں نے اسرائیلی وزیر کےمسجد اقصیٰ کے دورے کو مسجد کے تقدس کی صریح خلاف ورزی قرار دیا۔