قومی اسمبلی کی 33 خالی نشستوں پر الیکشن شیڈول جاری کردیا گیا ہے جطکہ پولنگ 16 مارچ کو ہوگی۔

تفصیلات کے مطابق الیکشن کمیشن آف پاکستان کی جانب سے قومی اسمبلی کی 33 خالی نشستوں پر الیکشن شیڈول جاری کردیا گیا ہے  جس پر پولنگ 16 مارچ کو ہوگی۔

اس حوالے سے الیکشن کمیشن کا کہنا ہے کہ کاغذات نامزدگی 6 فروری سے 8 فروری تک جمع کرائے جائیں گے جبکہ کاغذات نامزدگی کی سکروٹنی 13 فروری تک کی جائے گی تاہم امیدواروں کی حتمی فہرست 21 فروری کو جاری کی جائے گی۔

یہ بھی پڑھیں: الیکشن کمیشن کا قومی اسمبلی کی 33 نشستوں پر انتخابی شیڈول جلد جاری کرنےکا فیصلہ

الیکشن کمیشن نے بتایا کہ انتخابات کے لئے امیدواروں کو انتخابی نشان 23 فروری کو جاری کیے جائیں گے۔

الیکشن کمیشن کے مطابق کراچی کے 9 حلقوں پر انتخابات 16 مارچ کو ہونگے جبکہ راولپنڈی کی 5 قومی اسملبی کے حلقوں پر ضمنی انتخابات ہونگے۔

اسلام آباد کی تینوں حلقوں پر ضمنی انتخابات 16 مارچ کوہونگے جبکہ لاہور اور ملتان کے دو دو حلقوں پر انتخابات ہونگے  اور خیبرپختونخوا کے قومی اسمبلی کے 8 حلقوں میں انتخابات ہونگے۔

خیال رہے کہ این اے 4 سوات، این اے 17 ہری پور، این اے 18 صوابی، این اے 25، 26 نوشہرہ، این اے 32 کوہاٹ، این اے 38 ڈی ائی خان سمیت این اے 43 خیبر، این اے 52،53،54 اسلام آباد مین بھی ضمنی انتخابات کرائے جائیں گے۔

اسکے علاوہ این اے 59، 60، 62 اور این اے 63 راولپنڈی،این اے 67 جہلم، این اے 97 بھکر میں انتخابات ہونگے۔

واضح رہے کہ الیکشن کمیشن نے 17 جنوری کو پی ٹی آئی کے 35 ارکان قومی اسمبلی کو ڈی نوٹیفائی کیا تھا تاہم قومی اسمبلی کی 2 مخصوص نشستوں پر تعیناتی پی ٹی آئی کی سفارش پر کی جائے گی۔

یہ بھی پڑھیں: اسپیکر قومی اسمبلی نے پی ٹی آئی کے مزید 35 ارکان کے استعفے منظور کرلیے

دوسری جانب پاکستان تحریک انصاف نے استعفوں کی بعد خالی ہونے والی تمام نشستوں پر الیکشن لڑنے کا اعلان کردیا۔