پاکستان میں مغربی ہواؤں کی سلسلے کی آمد کے بعد ملک بھر میں موسم شدید سرد رہنے کا امکان ہے جو کہ 17 جنوری تک جاری رہے گی۔

اس حوالے سے محکمہ موسمیات کا کہنا ہے کہ مغربی ہواؤں کا نیا سلسلہ آج رات سے شمالی بلوچستان میں داخل ہو گا جبکہ کل سے اسلام آباد ، پنجاب، بلوچستان اورخیبر پختونخوا کے مختلف علاقوں میں بارش ہونے کا امکان ہے۔

محکمہ موسمیات کے مطابق مری ، گلیات ، کشمیر ، گلگت بلتستان اور بلوچستان میں پہاڑوں پر برفباری کا بھی امکان  ہے۔

یہ بھی پڑھیں: ملک کے مختلف حصوں میں بارش اور برفباری کے باعث سردی کی شدت میں اضافہ

محکمہ موسمیات کا کہنا ہے کہ اس دوران 12 تا 17 جنوری صوبہ سندھ شدید سردی کی لپیٹ میں رہے گا جبکہ لاڑکانہ ، شہداد کوٹ ، کشمور ، جیکب آباد ،جامشورو اور تھرپارکر میں کم سے کم درجہ حرارت 2 تا 4 ڈگری سینٹی گریڈ رہنے کا امکان ہے۔

اسکے علاوہ سکھر ، گھوٹکی ، سانگھڑ ، خیر پور میں کم سے کم درجہ حرارت 3 تا 5 ڈگری سینٹی گریڈ رہنے کا امکان ہے جبکہکراچی، حیدرآباد ، ٹھٹھہ و دیگر میں کم سے کم درجہ حرارت 5 تا 7 ڈگری سینٹی گریڈ رہنے کا امکان ہے۔

خیال رہے کہ پی ڈی ایم اے کی متعلقہ اداروں کو پیشگی اقدامات اٹھانے کی ہدایات جاری کردی گئیں ہیں جس میں آگاہ کیا گیا ہے کہ بالائی اضلاع میں برفباری اور لینڈ سلائیڈنگ سے رابطہ سڑکوں میں رکاوٹوں پیدا ہو سکتی ہے۔