اپوزیشن لیڈر سندھ اسمبلی حلیم عادل شیخ نے کہا ہے کہ انتخابات میں ہونے والی دھاندلی کو کسی طور بھی قبول نہیں کیا جائے گا۔

تفصیلات کے مطابق چیئرمین تحریک انصاف عمران خان کی اپوزیشن لیڈر سندھ اسمبلی حلیم عادل شیخ سے ملاقات ہوئی جس کی اندرونی کہانی بول نیوز سامنے لے آیا۔

ملاقات میں سندھ بلدیاتی انتخابات میں ہونیوالی بے ضابطگیوں کی رپورٹ پیش کی گئی اور سندھ بلدیاتی انتخابات میں ہونیوالی بے ضابطگیوں کے خلاف قانونی کاروائی کا فیصلہ بھی کیا گیا۔

یہ بھی پڑھیں؛ کراچی میں دھاندلی سے پی پی نے بلدیاتی انتخابات جیتے، حلیم عادل شیخ

اپوزیشن لیڈر سندھ اسمبلی حلیم عادل شیخ نے کہا کہ سندھ انتخابات کے حوالے سے مکمل رپورٹ چیئرمین کو پیش کی ہے اور چیئرمین کو بتایا ہے کہ کس طرح کارکنان کو انتقامی کاروائیوں کا نشانہ بنایا گیا۔

انہوں نے کہا کہ چئیرمین سے اتفاق ہوا ہے کہ ہر متعلقہ فورم پر بے ضابطگیوں کو چیلنج کیا جائے گا اور انتخابات میں ہونیوالے دھاندلی کی کسی طور قبول نہیں کیا جائے گا۔

یہ بھی پڑھیں؛ کراچی میں گھناؤنی سازش کی تیاری ہورہی ہے، حلیم عادل شیخ

اپوزیشن لیڈر سندھ اسمبلی حلیم عادل شیخ نے مزید کہا کہ بلدیاتی انتخابات الیکشن کمیشن کے بارے میں تحریک انصاف کے مؤقف کی توثیق کرتے ہیں۔