سابق وفاقی وزیر شیخ رشید نےکہا ہے کہ چند ہفتوں میں موجودہ مسائل کا  کوئی سیاسی حل نکالنا ہوگا ورنہ لوگ سڑکوں پر نکلنے کیلئے مجبور ہونگے۔

سماجی رابطے کی ویب سائٹ پر اپنے ایک پیغام میں عوامی مسلم لیگ کے سربراہ نے اتحادی حکومت اور ن لیگ کی ناکام سیاست کے متعلق بات کی ہے۔

کراچی کےجتنےمسائل ہیں اتنےلوگ ووٹ ڈالنےنہیں نکلے جو اس نظام اورانتظامیہ پرعدم اعتمادکااظہار ہےن لیگ کےبہت سےپرندےاڑان بھرنےکےلیےتیارہیں دیکھنا یہ ہےکہ کتنےاڑان بھرتےہیں۔شہبازشریف کےخلاف عدم اعتمادکوئی مسئلہ نہیں رہا13سیاسی جماعتوں کی سیاسی تاش بکھر چکی ہےاوران کےہاتھ کچھ نہیں آنا

— Sheikh Rashid Ahmed (@ShkhRasheed) January 16, 2023

شیخ رشید نے کہا ہے کہ ن لیگ ایسا سیاسی جہاز ہے جو ڈوبنے کے قریب ہے اور جس کا کوئی کپتان نہیں ہے جبکہ ان کے بہت سے پرندے اڑان بھرنے کے لیے تیار ہیں، اب دیکھنا یہ ہے کہ کتنے اڑان بھرتے ہیں۔

یہ بھی پڑھیں: ایم کیو ایم الیکشن بائیکاٹ کیساتھ حکومتی اتحاد سے بھی باہر نکلے، شیخ رشید

انہوں نے کہا کہ شہباز شریف کے خلاف عدم اعتماد کوئی مسئلہ نہیں رہا ہے، یہ 13 سیاسی جماعتوں کی سیاسی تاش بکھر چکی ہے اوران کے ہاتھ کچھ نہیں آنا ہے۔

انہوں نے مزید کہا کہ کراچی کے جتنے مسائل ہیں اتنے لوگ ووٹ ڈالنے نہیں نکلے جو اس نظام اورانتظامیہ پرعدم اعتماد کا اظہار ہے جبکہ آئی ایم ایف کی شرائط بھی کھٹائی میں ہے اور دنیا کی امداد بھی انتظار میں ہے۔

شیخ رشید کا کہنا تھا کہ چند ہفتوں میں کوئی سیاسی حل نکالنا ہوگا ورنہ عنقریب لوگ اپنے مسائل کے لئے سڑکوں پر نکلنے کے لئے مجبور ہونگے۔

یہ بھی پڑھیں: ملک میں اہم سیاست شروع ہوگئی ہے، شیخ رشید

اپنے ایک بیان میں ان کا کہنا تھا کہ اؤنٹ ڈاؤن شروع 15 اپریل تک جنرل الیکشن شیڈول بھی آجائے گا، عمران خان نے سیاست کا انداز بدل دیا ہے۔

سابق وفاقی وزیر نے کہا کہ زرداری ن لیگ سے پرانا حساب پورا کررہا ہے، زرداری ایک کو لندن اور دوسرے کو رائیونڈ چھوڑ کر آئے گا۔

شیخ رشید نے مزید کہا کہ وزیر خزانہ کے بیان کے بعد فارن کمرشل اکاؤنٹ بھی لوگوں نے خالی کرنا شروع کردیے ہیں، ایک طرف آٹے کی لائن ہوگی اور دوسری طرف بینک کے شٹر ڈاؤن ہوں گے۔