دو روز گزرنے کے باوجود بولان میں تباہ  ہونے والی گیس پائپ لائن پر مرمتی کام شروع نہ ہوسکا۔

ذرائع ایس ایس جی سی کے مطابق  سیکیورٹی کلیئرنس نہ ملنے اور موسم کی خرابی کے باعث مرمتی کام شروع نہیں ہوسکا۔  متاثرہ علاقوں کو متبادل ذرائع سے گیس فراہم کی جا رہی ہے۔

مزید پڑھیں: بولان کے علاقے میں گیس پائپ لائن دھماکے سے اڑا دی گئی

ایس ایس جی سی ذرائع کا کہنا ہے کہ   متاثرہ گیس پائپ لائن پر مرمتی کام آج شروع کردیا جائے گا۔

ضلع بولان کے مقام سراج آباد میں منگل کی رات نامعلوم مسلح افراد نے گیس پائپ لائن دھماکہ خیز مواد سے تباہ کردی تھی۔ دھماکے کے باعث 12 انچ قطر گیس پائپ لائن کو نقصان پہنچا تھا۔

مزید پڑھیں: پاک روس گیس پائپ لائن منصوبے میں مزید پیش رفت

12 انچ قطر گیس پائپ سے سپلائی نہ ہونے کی وجہ سے کوئٹہ، مچھ، بولان اور دیگر اضلاع میں گیس پریشر انتہائی کم ہوگیا ہے۔