سابق وزیر خزانہ مفتاح اسماعیل نے کہا ہے کہ پاکستان پاکستانیوں کیلئے مفید نہیں رہا۔

تفصیلات کے مطابق سابق وزیر خزانہ مفتاح اسماعیل نے تقریب سے خطاب کرتے ہوئے کہا کہ ری ایمیجننگ پاکستان کے کانفرنس کا آغاز کوئٹہ سے کر رہے ہیں۔

مفتاح اسماعیل نے کہا کہ پاکستان کو 20 بلین دنیا کو واپس کرنے ہیں، ہم ایک ملک سے پیسے لیکر دوسرے ملک کو دیتے ہیں، بلوچستان حکومت پنجاب کے مقابلے میں دو گنا زیادہ فنڈز خرچ کرتی ہے، پاکستان میں تعلیم کیلئے 2 ہزار ارب خرچ کرتی ہے، لاکھوں بچے پاکستان میں بھوک سے سوتے ہیں۔

ان کا کہنا تھا کہ ہم نے بچوں کو بھوک سے نجات نہیں دلایا بات کرتے ہیں حقیقی آزادی کی، بے روزگاری پورے ملک کا مسئلہ ہے، بنگلہ دیش کی آمد ہم سے آدھی تھی مگر ہم سے آگے نکل گیا، پاکستان کے 8 کروڑ لوگ غربت کی زندگی گزار رہے ہیں، پاکستان میں ہر تیسرا بندہ غریب ہے، ہمیں یہ دیکھنا ہو گا کہ ہم کس طرف جا رہے ہیں۔

انہوں نے کہا کہ 60 فیصد پاکستانی ایسے ہیں جنکی آمدنی 35 ہزار سے کم ہے، ملک کے ہر شہری کی آمد کو بڑھانا ہو گا۔