پاکستان مسلم لیگ (ن) کی سینئر نائب صدر مریم نواز نے کہا ہے کہ عوام الیکشن کی تیاری کریں جلد ہی نواز شریف وطن واپس آئیں گے۔

 تفصیلات کے مطابق پاکستان مسلم لیگ (ن) کی سینئر نائب صدر مریم نواز شریف نے سرگودھا میں کارکنوں سے خطاب کرتے ہوئے کہا کہ جب الیکشن ہوں تو پورے ملک اور صوبوں میں کیئر ٹیکر حکومت ہو اور ایک ساتھ الیکشن ہوں یہ بھی آئین میں لکھا ہے۔

انہوں نے کہا کہ اگر الیکشن ہوئے اور فتنہ خان ہارا تو یہ دوبارہ سے شور مچائے گا جبکہ ملک جن حالات میں ہے وہ خان کی فتنہ انگیزی کی وجہ سے ہے۔

 ان کا کہنا تھا کہ میاں نواز شریف کے علاوہ حالات سدھر نہیں سکتے، آپ لوگ تیاری کریں بہت جلد میاں نواز شریف پاکستان آئیں گے۔

ان کا یہ بھی کہنا تھا کہ مسلم لیگ ن الیکشن سے نہیں ڈرتی، نہ صرف الیکشن لڑیں گے بلکہ جیتیں گے۔

یہ بھی پڑھیں؛ اقلیتوں کے حقوق کا تحفظ ہمارے ایمان کا حصہ ہے، مریم نواز

مریم نواز نے کہا کہ چیف جسٹس صاحب عوام کو پتہ ہے کہ بینچ فکسنگ ہو رہی ہے آپکو کیوں نظر نہیں آرہا، آپ گورنر کی ذمہ داری جانچنے بیٹھ گئے لیکن اپنی بھی ذمہ داری پوری کریں اور وہ ہے غیر جانبدار بینچ بنانا۔

انہوں نے کہا کہ باقی اداروں نے عمران خان کے بارے سمجھ لیا کہ یہ فتنہ ہے، لیکن کیا اب اسے سپریم کورٹ کے چند ججز سے تھپکی ملے گی اور ریسکیو کیا جائے گا، اگر ایسا ہوا تو پاکستان کہاں جائے گا۔

ان کا کہنا تھا کہ جس کو پنجاب کا سب سے بڑا ڈاکو کہا صادق اور امین نے اسے پنجاب نہیں پی ٹی آئی پاکستان کا صدر لگایا۔

یہ بھی پڑھیں؛ عوام اور معیشت کا بیڑا غرق تحریک انصاف نے کیا، مریم نواز

مریم نواز نے کہا کہ میں شہباز شریف کو کہتی ہوں کہ عمران، فیض کی بچی کچی حکومت کی پرواہ نہ کریں اور ان مجرموں سے حساب لیں۔

انہوں نے کہا کہ لوگوں کو بھاشن دینے والا چوہے کی طرح بل میں بیٹھا ہے، لوگوں کے لیے جیلیں، اپنے لیے بیلیں۔

ان کا کہنا تھا کہ نواز شریف کی جیل ست اے سی اتروانے والا بل میں چھپ کر بیٹھا ہوا ہے نواز شریف نے کارکنوں کو ڈھال نہیں بنایا بلکہ خود قربانی دی۔

یہ بھی پڑھیں؛ مسلم لیگ ن میدان میں ہے اور الیکشن جیت کہ دکھائے گی، مریم نواز

پاکستان مسلم لیگ (ن) کی سینئر نائب صدر مریم نواز شریف نے مزید کہا کہ عوام اور تحریک انتشار بھی سن لے کہ عمران خان تاریخ کے کوڑے دان میں جا رہا ہے۔