نگران وزیر اعلیٰ پنجاب محسن نقوی نے کہا ہے کہ سی ٹی ڈی فورس نے صوبے میں قیام امن کیلئے شاندار کارہائے نمایاں سرانجام دیے۔

تفصیلات کے مطابق نگران وزیر اعلیٰ پنجاب محسن نقوی نے سی ٹی ڈی ہیڈکوارٹرز کا دورہ کیا جس میں ان کو دہشت گردوں کے خلاف کامیاب انٹیلی جنس آپریشنز کے بارے میں بریفنگ دی گئی۔

محسن نقوی کا اس موقع پر کہنا تھا کہ ہشتگردی کی سرکوبی میں سی ٹی ڈی پنجاب کا کردار قابل تعریف ہے، سی ٹی ڈی پنجاب کی آپریشنل اور انٹیلیجنس استعداد کار بڑھانے کے لیے جدید ترین ہتھیار اور ٹیکنالوجی فراہم کی جائے گی، سی ٹی ڈی فورس دہشت گردی کے خاتمے کیلئے ہمارا ہراول دستہ ہے، دہشت گردوں اور ان کے سہولت کاروں کے نیٹ ورک کے خاتمے کیلئے سی ٹی ڈی کی خدمات لائق تحسین ہیں۔

ان کا کہنا تھا کہ دہشت گرد عناصر کے مذموم عزائم کو ناکام بنانے میں سی ٹی ڈی کے افسروں اور جوانوں کے جذبے اور بہادری کو سراہتے ہیں، قیام امن کیلئے سی ٹی ڈی کے دلیر افسروں نے اپنی جانیں بھی قربان کی ہیں، قوم کو پاک دھرتی کے بہادر سپوتوں پر ناز ہے، اپنی جانوں کی پرواہ کئے بغیر دہشت گردوں کے خلاف برسرپیکار سی ٹی ڈی کے افسر اور اہلکار ہمارے ہیرو ہیں۔

محسن نقوی نے سی ٹی ڈی ہیڈکوارٹر کے لان میں موسم بہار کی شجرکاری کا پودا بھی لگایا۔

انسپکٹر جنرل پولیس، سی سی پی او۔ سیکرٹری خزانہ، سیکرٹری اطلاعات، ایڈیشنل آئی جی سی ٹی ڈی۔ سپیشل سیکرٹری داخلہ۔

اور متعلقہ حکام بھی اس موقع پر موجود تھے۔