گورنر خیبرپختونخوا حاجی غلام علی نے کہا ہے کہ تحریک انصاف نے ملک کو ترقی کی راہ پر گامزن نہ کرنے کی قسم کھائی ہے، سب سوچنے پر مجبور ہے کہ یہ حکومت کے اہل ہے کہ نہیں۔

تفصیلات کے مطابق گورنر کے پی حاجی غلام علی نے میڈیا سے گفتگو کرتے ہوئے کہا کہ عمران خان نے سات حلقے جیت لئے پھر بھی کہتا تھا کہ دھاندلی ہوئی، منٹو میں فیصلے بدلنے والوں کے بارے میں عوام فیصلہ کریں گے۔

انہوں نے کہا ہے کہ آئی جی رپورٹ کے مطابق کم از کم 50 ہزار پولیس اہلکار درکار ہونگے اس لئے الیکشن کمیشن کو رائے دیتا ہوں کہ حالات کو دیکھ کہ انتخابات کرائیں۔

یہ بھی پڑھیں: جھوٹ کی سیاست ختم کرنے کا وقت آگیا ہے، گورنر خیبرپختونخوا

انہوں نے مزید کہا کہ میں ایک ورکر آدمی ہوں اور گورنر پاؤس میں بھ صبح 9 سے رات 9 بجے تک کام کرتا ہوں ، تمام مکاتب فکر کے ساتھ ملتا ہون اور ان کی مشکلات  حل کرنے کے لئے کوشش کرتا ہوں۔

حاجی غلام علی نے کہا کہ مجھ پر تنقید کرنے والے یہ لوگ کہتے کہ آج تک گورنر کسی ادارے میں نہیں گیا تو میں تو اس خدمت کے لئے آیا ہو ں اور یہ خدمت کرتا رہوں گا۔

ان کا کہنا تھا کہ ان لوگوں نے کہا ہے کہ میں الیکشن پر حاوی ہوں گا تو میں یہ بتانا چاہتا ہوں کہ انہوں نے آج سے شکست تسلیم کرلی ہے۔

انہوں نے بتایا کہ میرا الیکشن سے کوئی لینا دینا نہیں ہے ، یہ کام الیکشن کمیشن کا ہے جبکہ سیکیورٹی دیگر ادارے مہیا کریں گے۔

انہوں نے پرویز خٹک کا نام لیتے ہوئے کہا کہ آپ وزیر دفاع تھے جبکہ عمران خان وزیراعظم تھے لیکن پھر بھی آپ نے پوا پشاور ہارا ہے تواس مین کس کا ہاتھ تھا؟

انہوں نے مزید کہا کہ عوام دیکھتے ہیں کہ آپ کیا کر رہے ہیں، پہلے 6 مہینے آپ سڑکوں پر تھے کہ استعفے قبول کرو اور جب استعفے منظور کرلئے ہائی کورٹ چلے کہ انہیں بحال کیا جائے، یعنی آپ نے ملک کو ترقی کی راہ پر گامزن نہ کرنے کی قسم کھائی ہے۔

گورنر کے پی کا کہنا تھا کہ میں ان سے درخواست کرتا ہوں کہ اس ملک کی مشکلات سمجھ کر فیصلے کریں ، اے پی سی میں جایئں اور اپنا مدعہ بیان کریں اور جب ایک فیصلہ ہوجائے تو اس پر قائم رہیں ۔

ان کا کہنا تھا کہ آپ لوگ پچھلے 4 سالوں سے یہ کام کر رہے ہیں کہ پہلے فیصلہ کرتے ہیں اور بعد میں مشاورت کرتے ہیں ۔

یہ بھی پڑھیں: تحریک انصاف کو تین ماہ کا تربیتی کورس کرانا چاہئیے، گورنر خیبرپختونخوا