رہنما پاکستان تحریک انصاف اعجاز چوہدری نے کہا ہے کہ ملک کو مضبوط اور مستحکم رکھنا 22 کڑور عوام کی ذمہ داری ہے۔

تفصیلات کے مطابق پاکستان تحریک انصاف کے رہنما اعجاز چوہدری نے کہا کہ شاہ محمود قریشی، اسد عمر سمیت دیگر رہنما اور کارکنان نے گرفتاری دی ہے اور 81 افراد کو گرفتار کیا گیا ہے جبکہ 2 بسیں ابھی تک لاپتہ ہیں، 1.5 گھنٹہ قبل سپریم کورٹ نے از خود سو موٹو نوٹس لے لیا ہے۔

انہوں نے کہا کہ پشاور میں کل جیل بھرو تحریک شروع ہوگی اور لیڈر شپ اس میں گرفتاریاں دے گی، متنبہ کرتا ہوں کرائم منسٹر اور داخلہ کے وزیر کو کہ کھانا اور ادویات گرفتاری دینے والوں تک پہنچایا جائے، ڈی سی اور آئی جی جیل خانہ جات سے کہتا ہوں کے کھانا اور ادویات آدھے گھنٹے کے اندر ان تک پہنچایا جائے۔

یہ بھی پڑھیں؛ حکومت کی ترجیحات دہشتگردی کو کنٹرول کرنا نہیں، مخالفین پر جھوٹے مقدمات بنانا ہے، اعجاز چوہدری

ان کا کہنا تھا کہ امپورٹڈ حکومت اور الیکشن کمیشن انتخابات نہیں ہونے دے رہی جبکہ ملک کو مضبوط اور مستحکم رکھنا بائیس کڑور عوام کی ذمہ داری ہے۔

 رہنما پاکستان تحریک انصاف اعجاز چوہدری نے مزید کہا کہ انشاءاللہ سپریم کورٹ کے نتیجے میں 90 روز میں الیکشن ہونگے۔

یہ بھی پڑھیں؛ ہم حقیقی آزادی تحریک کو منطقی انجام تک پہنچائیں گے، اعجاز چوہدری