پاکستان تحریک انصاف کے رہنما حماد اظہر نے کہا ہے کہ ملک میں الیکشن کرائیں، پی ڈی ایم حکومت سے ملک نہیں چل رہا۔

حماد اظہر نے لاہور میں میڈیا سے گفتگو کرتے ہوئے کہا کہ پی ٹی آئی رہنماؤں کی گرفتاریاں کی جارہی ہیں، ہم گرفتاریوں سے ڈرنے والے نہیں۔

انہوں نے کہا کہ عمران خان کو گولیوں سے چھلنی کیا گیا، عمران خان اپنے مؤقف سے پیچھے نہیں ہٹے۔

پی ٹی آئی انتخابات سے نہیں بھاگے گی

سابق وفاقی وزیر نے کہا کہ معیشت تباہ، صنعتیں بند، بےروزگاری بڑھ رہی ہے، الیکشن کرائیں میدان چھوڑ کر نہ بھاگیں۔

انکا کہنا ہے کہ آپ الیکشن کرائیں، ہم نہیں کہیں گے کہ امن وامان کا مسئلہ ہے، پی ٹی آئی انتخابات سے نہیں بھاگے گی، ضمنی انتخابات میں پی ٹی آئی کامیاب ہوگی۔

حماد اظہر نے کہا کہ جنرل الیکشن میں بھی پی ٹی آئی جیتے گی، پہلے 9 استعفے قبول کیے تمام پر عمران خان کامیاب ہوئے۔

پی ٹی آئی رہنما نے مزید کہا کہ اے پی سی میں شرکت کیلئے باضابطہ دعوت آئی تو مشاورت کرینگے۔

 پی ڈی ایم جان بوجھ کر معیشت تباہ کر رہی ہے

چند روز قبل حماد اظہر نے اپنے ایک بیان میں کہا تھا کہ اگر جان بوجھ کر پی ڈی ایم معیشت کو تباہ کر رہی ہے تا کہ معاشی ایمرجنسی لگا کہ انتخاب سے بچا جائے تو اس سے بڑی غداری نہیں ہو سکتی ہے۔

انہوں نے کہا کہ ان لوگوں نے اپنے کرپشن کے کیس تو معاف کرا لئے لیکن ملک کو تباہی کی طرف لے گئے۔

یہ بھی پڑھیں؛اس ملک میں عوام کے مینڈیٹ کی توہین ہو رہی ہے، حماد اظہر

حماد اظہر نے  کہا تھا کہ ملک سے سرمایہ کاری کا جانا لوگوں کا ملک چھوڑنا اس بات کی علاقت ہے کہ لوگوں کا اعتماد ختم ہوگیا ہے۔

پاکستان تحریک انصاف کے رہنما حماد اظہر نے مزید کہا کہ عوام شدید غصے میں ہے اور کوئی نیا نجربہ بھاری بھی پر سکتا ہے۔