کراچی میں بڑی دہشت گردی کا منصوبہ ناکام بناتے ہوئے بھاری تعداد میں اسلحہ برآمد کرلیا گیا ہے۔

تفصیلات کے مطابق کراچی کے علاقے گلشن حدید لنک روڈ کے قریب زمین میں دفنایا گیا اسلحہ بھاری تعداد میں برآمد کیا گیا ہے جس میں تیس بور پستول ، شاٹ گن موجود ہیں۔

اس حوالے سے ایس ایس پی ملیر حسن سردار نیازی کا کہنا ہے کہ اسلحہ چھ بوریوں میں ملا ہے جس میں 64 شارٹ گن ہیں۔

یہ بھی پڑھیں: دہشتگردی کے خطرے میں سیاست نہیں کھیلنی چاہیئے، گورنر سندھ

ایس ایس پی ملیر نے بتایا کہ 16 پستول ایک میٹل ڈیٹیکٹر ایک وائرلیس میٹرولا سیٹ بھی ملا ہے تاہم تفتیش کر رہے ہیں کہ یہ اسلحہ کس کا ہے۔

خیال رہے کہ کچھ عرصہ قبل بھی ایس آئی یو کی کارروائی کے باعث شہر کراچی میں دہشتگردی کا بڑ امنصوبہ ناکام بنادیا گیا تھا۔

اس حوالے سے حکام کا کہنا تھا کہ دہشت گردوں سے دھماکہ خیز مواد ایک ہزار ڈیٹونیٹرز، دو کوائل برآمد کئے گئے ہیں جو کہ کراچی میں دہشت گردی کے لیے استعمال کیا جانا تھا۔

حکام کا کہنا تھا کہ دہشت گرد دھماکہ زبیح اللہ خیز مواد پشاور سے کراچی لایا تھا  جبکہ دہشت گردوں کا ایک ساتھی پنجاب میں پہلے ہی گرفتار ہوچکا تھا ۔