پاکستان مسلم لیگ ن کے سینئر رہنما شاہد خاقان عباسی نے کہا ہے کہ استعفیٰ پارٹی کے عہدے سے دیا ہے لیکن میں پارٹی کے ساتھ ہوں۔

بول نوز سے خصوصی گفتگو کرتے ہوئے شاہد خاقان عباسی نے کہا کہ میاں نواز کا ساتھی ہوں، ساری زندگی پارٹی میں گزاری ہے اور اسی پارٹی میں رہوں گا۔

انہوں نے کہا ہے کہ میریم نواز کو لیڈر شپ پوزیشن میں آئی ہیں ان کو اسپیس چاہیے، ایک نئی جنریشن آتی ہے تو پرانے لوگوں کو ایک نئے رول میں چلانا ہوتا ہے۔

انہوں نے مزید کہا کہ ہم وہاں ہونگے تو اختلاف ہوگا، وہ کسی کے لیے بھی مناسب نہیں ہوتا ہے۔

واضح رہے کہ شاہد خان عباسی نے پارٹی سنئیر نائب صدر سے استعفی دے دیا تھا، شاہد خاقان عباسی کافی عرصے سے پارٹی پالیسوں سے نالاں تھے۔

یہ بھی پڑھیں: شاہد خاقان عباسی نے پارٹی عہدے سے استعفیٰ دیدیا

بعدازاں  وزیر اعظم شہباز شریف سے شاہد خاقان عباسی کی طویل ون آن ون ملاقات ہوئی۔

ذرائع نے بتایا کہ ملاقات کے دوران سابق وزیراعظم شاہد خاقان عباسی نے توانائی بچت کمیٹی اور اصلاحاتی کمیٹیوں سے مستعفیٰ نہ ہونے کا فیصلہ کیا۔

ن لیگ کے ذرائع کا کہنا تھا کہ شاہد خاقان عباسی نے ملاقات کے بعد توانائی کی قومی بچت پالیسی سے متعلق اجلاس میں بھی شرکت کی۔

ذرائع نے مزید بتایا کہ شاہد خاقان نے پارٹی امور سے متعلق اہم فیصلوں پر اعتماد میں نہ لینے کا شکوہ کیا۔