پاکستان تحریک انصاف کے سینیر رہنما بابر اعوان نے کہا ہے کہ مہنگائی کی تباہی سے بچنے کیلئے انتخابات کرانے ہونگے۔

ماہر قانون بابر اعوان نے بول نیوز سے گفتگو کرتے ہوئے کہا کہ اسمبلی تحلیل کے بعد گورنر کو انتخابات کی تاریخ دینا ہوتی ہے، گورنر پنجاب اور کے پی نے آئین توڑا۔

انہوں نے کہا کہ حکومت چاہتی ہے انتخابات کسی طرح ملتوی ہوجائیں، لاہور ہائی کورٹ کے حکم کے مطابق انتخابات ہونے چاہئیں۔

پی ٹی آئی رہنما نے کہا کہ حکومت منی بجٹ کی صورت میں ایٹم بم گرائے گی، منی بجٹ ایٹم بم ہوگا، سب کا جینا مشکل ہوگیا، مہنگائی کی تباہی سے بچنے کیلئےانتخابات کرانے ہونگے۔

یہ بھی پڑھیں: منی بجٹ مہنگائی کا ایٹم بم ثابت ہوگا

بابر اعوان نے مزید کہا کہ انتخابات نہ کرانے کی فرمائش کرنے والوں کو پیچھے ہٹنا ہوگا، عدالتی احکامات پر عملدر آمد نہ کرنے والوں کو گرفتار کرنا چاہیے، عدالتی حکم نہ ماننے پر آرٹیکل6 کے تحت ٹرائل ہونا چاہیے۔

الیکشن کمیشن اور گورنر کا الیکشن کی تاریخ کا اعلان نہ کرنے کا معاملہ

دوسری جانب الیکشن کمیشن اور گورنر کی جانب سے الیکشن کی تاریخ کا اعلان نہ کرنے کے معاملے پر پاکستان تحریک انصاف کے رہنما آج جوابی حکمتِ عملی طے کرنے کے لیے سر جوڑیں گے۔

پارٹی ذرائع نے بتایا کہ پی ٹی آئی کی سینئر قیادت کا اجلاس آج دوپہر ڈھائی بجے کے بعد زمان پارک میں ہوگا جس کی صدارت تحریک انصاف کے چیئرمین عمران کریں گے۔

 ذرائع کے مطابق اجلاس میں الیکشن کی تاریخ نہ دیے جانے کے حوالے سے آئین پر عملدرآمد نہ ہونے پر حکمت عملی تیار کی جائے گی اور حکومت، الیکشن کمشن اور گورنر پر دباؤ بڑھانے پر مختلف اپشنز پر غور ہوگا۔

یہ بھی پڑھیں: 90 روز میں انتخابات نہ کرانا آئین کی خلاف ورزی ہے

علاوہ ازیں اجلاس میں آئین بچؤو تحریک کے خدو خال پر بھی مشاورت ہوگی اور تحریک انصاف کی جیل بھرو تحریک پر ابتک کی پیش رفت کے بارے میں بھی تافلہ خیال کیا جائے گا۔

پارٹی ذرائع نے مزید بتایا کہ الیکشن کی تاریخ نہ دینے پر الیکشن کمیشن کے سامنے احتجاج کی آپشنز پر بھی غور ہوگا تاہم پاکستان تحریک انصاف کے مرکزی رہنما مشاورت اجلاس میں مختلف ائینی و قانونی تجاویز پیش کریں گے۔