پی ٹی آئی رہنما فیاض الحسن چوہان نے کہا ہے کہ جیل بھرو تحریک پاکستان کو بچانے کے لیے ہے۔

تفصیلات کے مطابق پی ٹی آئی رہنما فیاض الحسن چوہان نے جیل بھرو تحریک کے حوالے سے وڈیو بیان جاری کرتے ہوئے کہا کہ کل دن کو کمیٹی چوک پر اپنی گرفتاری دوں گا اور کل یہ اقرار کروں گا کہ صلح ہو کہ جنگ ہو، میں عمران خان کہ سنگھ ہوں، سب ہمیں پسند ہے، خوں ہو یا کہ رنگ ہو۔

انہوں نے کہا کہ جیل بھرو تحریک عمران خان کہ قیادت میں پاکستان کو بچانے کے لیے ہے، یہ تحریک پاکستان کو بچانے، سالمیت، معیشت کی بکا اور جمہوریت اور آئین کے تحفظ کے لئے ہے۔

ان کا کہنا تھا کہ امپورٹڈ حکومت کو پیغام ہے آباد رہیں گے ویرانے شاداب رہیں گے زنجیریں جب تک دیوانے زندہ ہیں پھولیں گی پھلیں گی زنجیریں۔

پی ٹی آئی رہنما فیاض الحسن چوہان نے مزید کہا کہ کل زنجیریں ہاتھ میں پہن کر پاکستان کی بکا کی جنگ عمران خان کے سنگ لڑیں گے۔

یہ بھی پڑھیں؛ 13 گیڈر جماعتیں عمران خان کا مقابلہ نہیں کرپا رہیں، فیاض الحسن چوہان