اسپیکر پنجاب اسمبلی سبطین خان نے گورنر پنجاب بلیغ الرحمان کے خط کا جواب دے دیا۔

تفصیلات کے مطابق سبطین خان نے اپنے خط میں لکھا کہ آپ نے آئین کی تشریح اپنے مطابق کی ہے، یہ کہنا بلاجواز ہے اسمبلی از خود تحلیل ہوئی اور گورنر انتخابات کی تاریخ نہیں دے سکتے، میں نے وہ خط بھی دیکھا ہے جو گورنر نے الیکشن کمیشن کو لکھا ہے۔

سبطین خان نے مزید کہا کہ مجھے حیرانی ہوئی کہ گورنر نے مشاورت کی تجویز پیش کی ہے، ایسا کرنے سے گورنر پنجاب نے اپنی آئینی ذمہ داری ادا نہیں کی، ایک بار پھر التجاء ہے گورنر پنجاب عام انتخابات کی تاریخ کا اعلان کریں۔

واضح رہے کہ کچھ دن قبل گورنر پنجاب بلیغ الرحمان نے الیکشن کمیشن اور اسپیکر پنجاب اسمبلی سبطین خان کو خط لکھا تھا۔

یہ بھی پڑھیں؛ گورنر پنجاب نے الیکشن کمیشن اور اسپیکر پنجاب اسمبلی کو خط لکھ دیا