پاکستان تحریک انصاف  (پی ٹی آئی) نے جیل بھرو تحریک کا شیڈول جاری کر دیا۔

تفصیلات کے مطابق شیڈول کے مطابق 22 فروری سے یکم مارچ تک روزانہ 200 کارکنان رضاکارانہ طور پر گرفتاریاں دیں گے۔

کارکنوں کے ہمراہ سابق اراکین قومی و صوبائی اسمبلی کا چھ رکنی گروپ بھی گرفتاری دے گا۔گرفتاریاں نہ ہونے کی صورت میں کارکنان اور اراکین اسمبلی مقررہ مقام پر دھرنا دیں گے۔

یہ بھی پڑھیں: پی ٹی آئی کا استعفوں کی منظوری کیخلاف عدالت سے رجوع کرنے کا فیصلہ

22 فروری کو شاہراہِ قائد اعظم لاہور پر گرفتاریاں پیش کی جائیں گی۔

23 فروری کو پشاور ، 24 کو راولپنڈی ،25  فروری کو ملتان  اور 26 فروری کو گوجرانولہ کے کارکنان گرفتاری دیں گے۔

27 فروری کو سرگودھا ،28 فروری  کو ساہیوال اور یکم مارچ کو فیصل آباد میں کارکنان رضاکارانہ گرفتاریاں دیں گے۔

22 فروری کو لاہور میں دی جانے والی رضا کارانہ گرفتاری کے لیے کارکنان کی فہرست تیار کرلی گئی۔

یہ بھی پڑھیں: پی ٹی آئی کا انتخابات کے حوالے سے بڑا فیصلہ

لاہور میں سابق گورنر پنجاب عمر سرفراز چیمہ اراکین اسمبلی کے گروپ کے ہمراہ گرفتاری پیش کریں گے۔لاہور سے تعلق رکھنے والے سابق اراکین قومی و صوبائی اسمبلی کے ناموں پر مشاورت جاری ہے۔

رضاکارانہ گرفتاری پیش کرنے والے  اراکین قومی و صوبائی اسمبلی کے ناموں کی حتمی منظوری عمران خان دیں گے۔