عوامی مسلم لیگ کے سربراہ و سابق وفاقی وزیر شیخ رشید احمد نے کہا ہے کہ رات کی تاریکی میں سپریم کورٹ پر حملے کی سازشیں تیار ہورہی ہیں۔

سماجی رابطے کی ویب سائٹ ٹوئٹر پر اپنے ایک پیغام میں شیخ رشید نے کہا کہ جمہوریت کو بچانے کا ایک ہی راستہ ہے جو سپریم کورٹ سے نکلے گا ثبوت بھی نکلیں گے اور نیب زدہ لوگوں کے تابوت بھی نکلیں گے۔

راجن پورکیPTIکی جیت سےPDMالیکشن سےمکمل بھاگ گئی ہےیہ سپریم کورٹ میں1997کاماحول پیداکرناچاہتےہیں ملک انارکی اورسول نافرمانی کی طرف جارہاہےبجٹ خسارہ62کھرب تک پہنچ گیاہےالیکشن ہی واحدراستہ ہےجس سےPDMفراری ہےساری قوم کی نظریں سپریم کورٹ پرلگی ہیں اورساری قوم سپریم کورٹ کےساتھ کھڑی ہے

— Sheikh Rashid Ahmed (@ShkhRasheed) February 27, 2023

انہوں نے کہا کہ اوور سیز پاکستانیوں کو ووٹ کا حق بھی ملے۔ گامنی لانڈر کے کنگ کا بیٹا بلاول اپنے نیب کے قانون ختم اور ججز پر لاگو کرنا چاہتے ہیں، یہ سپریم کورٹ میں 1997 کا ماحول پیدا کرنا چاہتے ہیں۔

الیکشن ہی واحد راستہ ہے

سابق وفاقی وزیر نے کہا کہ ملک انارکی اور سول نافرمانی کی طرف جارہا ہے، بجٹ خسارہ 62 کھرب تک پہنچ گیا ہے، الیکشن ہی واحد راستہ ہے جس سے پی ڈی ایم فراری ہے۔

شیخ رشید نے کہا کہ آئی ایم ایف کی بڑی جیل نے غریب کو ڈیتھ زون میں داخل کردیا ہے، راجن پور کی پی ٹی آئی کی جیت سے پی ڈی ایم الیکشن سے مکمل بھاگ گئی۔

مریم کے بعد بلاول نے بھی عدلیہ کو آنکھیں دیکھانا شروع کردیں

عوامی مسلم لیگ کے سربراہ نے کہا کہ ساری قوم کی نظریں سپریم کورٹ پر لگی ہیں اور ساری قوم سپریم کورٹ کے ساتھ کھڑی ہے، عدلیہ پر حملوں کی وراثت گینگز آف فائیو نے اگلی نسل میں منتقل کردی ہے۔

یہ بھی پڑھیں: عدلیہ پر دباؤ ڈالا جا رہا ہے تاکہ وہ اپنی آئینی اور قانونی ذمہ داری ادا نہ کر سکیں، شیخ رشید

انہوں نے کہا کہ مریم کے بعد بلاول نے بھی عدلیہ کو آنکھیں دیکھانا شروع کردی ہیں،  سپریم کورٹ پر حملے کی رات کی تاریکی میں سازشیں تیار ہورہی ہیں۔

شیخ رشید نے مزید کہا کہ سیاسی خواہشات پر بینچ تشکیل نہیں پاتے، سپریم کورٹ نے صرف الیکشن کی تاریخ دینی ہے فیصلہ عوام نے کرنا ہے۔

شیخ رشید کی میڈیا سے گفتگو

دوسری جانب شیخ رشید نے اسلام آباد میں میڈیا سے گفتگو کرتے ہوئے کہا کہ کسی ڈاکو کا ساتھ نہیں دیا، عدلیہ کا فیصلہ منظور ہوگا۔ جیل میرا سسرال ہے جب کہیں گے چلا جاؤں گا، اب چور ڈاکو کہیں گے کہ یہ بنچ بنے گا؟

سابق وفاقی وزیر نے کہا کہ چوہدری نثار میرا بھائی ہے سیاست اسکی اپنی ہے، چھوٹی سی سیاست کرتا ہوں قلم دوات پر ہی الیکشن لڑوں گا۔

شیخ رشید نے مزید کہا کہ سپریم کورٹ کہنے جارہی ہے کہ کون الیکشن کرائے گا، قوم کی نظریں سپریم کورٹ پر ہیں، نیب زدہ لوگ عدالت کو آنکھیں دکھا رہے ہیں۔