آزاد کشمیر کے بلدیاتی الیکشن کا دوسرا مرحلے میں پاکستان تحریک انصاف نے میدان مارلیا ہے جبکہ ن لیگ اور پیپلز پارٹی کو بری شکست کا سامنا کرنا پڑا ہے۔

تفصیلات کے مطابق آزادجموں کشمیر کے بلدیاتی الیکشن میں مخصوص نشستوں پر انتخابات میں تحریک انصاف کوٹلی میں 7 مخصوص نشستوں پر کامیابی حاصل کر لی ہیں۔

کوٹلی میں 3 یوتھ کونسلر۔ 3 لیڈی کونسلر سمیت کسان کونسلر کی نشست بھی جیت لی ہے جبکہ پی ڈی ایم اتحاد صرف دو کونسلر بنوانے میں کامیاب ہوا۔

وزیراعظم آزادکشمیرسردار تنویر الیاس خان کے آبائی حلقہ پونچھ 5 میں تھوراڑ کی تینوں مخصوص نشستیں (یوتھ کونسلر۔ لیڈی کونسلر اور کسان کونسلر) پی ٹی آئی نے جموں کشمیر پیپلز پارٹی اور ن لیگ سے جیت لیں۔

وزیراعظم سردار تنویر الیاس خان کی آبائی یونین کونسل بنگوئیں(پونچھ 5) کی لیڈی اور یوتھ کی دونوں نشستیں بھی تحریک انصاف نے جیت لیں۔

اسکے علاوہ ضلع بھمبر میں بھی پاکستان تحریک انصاف نے میدان مار لیا ہے جس میں پی ٹی آئی کے 4 امیدوار کامیاب، 1 پی ٹی آئی حمایت یافتہ کامیاب، جبکہ پی پی ہی اور ن لیگ دو دو سیٹیں لے سکیں۔