عمرے کی ادائیگی کیلئے جانے والے زائرین کے لئے بڑی خوشخبری آ گئی ہے۔

تفصیلات کے مطابق سعودی حکومت نے عمرہ ویزا کے حامل زائرین کو مملکت کے تمام انٹرنیشنل ائیرپورٹس پر سفر کی اجازت دے دی ہے۔

اس سلسلہ میں جنرل اتھارٹی آف سول ایوی ایشن گاکا نے نوٹیفکیشن بھی جاری کردیا ہے۔

جاری کردہ نوٹیفکیشن کے مطابق اب تمام عمرہ زائرین کے لیے مملکت کے کسی بھی ائیرپورٹ پر آمد اور روانگی ممکن ہو سکے گی جبکہ ملکی و بین الاقوامی پروازیں عمرہ زائرین کے لیے کوئی بھی انٹرنیشنل ائیرپورٹ استعمال کر سکتی ہیں۔

یہ بھی پڑھیں: سعودی حکومت کا اہم اقدام، عمرہ زائرین کے لیے مفت بس سروس کا آغاز

سعودی ایوی ایشن کی طرف سے پروازوں کو نئے نوٹیفکیشن پر سختی سے عملدرآمد کی ہدایت کی گئی ہے جبکہ خلاف ورزی کرنے والی ائیرلائنز کے خلاف سخت کارروائی کا بھی اعلان کیا گیا ہے۔

واضح رہے کہ اس قبل عمرہ ویزہ والے مسافر صرف جدہ اور مدینہ ائیرپورٹ سے سفر کرتے تھے جبکہ اب دمام، القسیم، ریاض سمیت تمام ائیرپورٹس سے آمد اور روانگی کی سہولت دستیاب ہو گی۔

یہ بھی پڑھیں: بیرون ملک عمرہ زائرین کے لیے سرکاری ویب سائٹ ’نسک‘ کا اجرا