تفصیلات کے مطابق وزیر خزانہ اسحاق ڈار نے ایف بی آر افسران کو مراعات دینے سے روک دیا ہے۔

تفصیلات کے مطابق ان لینڈ ریونیو افسران کو مراعات دینے کا نوٹیفکیشن چپکے سے جاری کیا گیا، وفاقی کابینہ کی منظوری کے بغیر قواعد میں ترمیم نہیں کی جا سکتی۔

ذرائع کا کہنا ہے کہ ایف بی آر نے اختیارات سے تجاوز کرتے ہوئے مراعات دینے کا نوٹیفکیشن جاری کیا، مراعات میں افسران کو مکان کا کرایہ اور ایک دفعہ سامان لینے کے لئے فنڈز دینے کی منظوری دی تھی۔

ذرائع کا یہ بھی کہنا ہے کہ ہیڈکوارٹر الاؤنس سمیت بچوں کیلئے اسکالرشپ دینے کی منظوری دی تھی، 16 جنوری کو ایف بی آر نے مراعات کو نوٹیفکیشن جاری کیا تھا۔