وفاقی وزیر خارجہ بلاول بھٹو زداری نے کہا ہے کہ دہشت گردی اور منشیات اسمگلنگ کےچیلنجزکا مقابلہ کرنا ہوگا۔

 بلاول بھٹو زداری نے ایکسپو سینٹر کراچی میں پاکستان انٹرنیشنل میری ٹائم ایکسپو اینڈ کانفرنس (پی آئی ایم ای سی) کی افتتاحی تقریب سے خطاب کرتے ہوئے کہا کہ اس کانفرنس سے خطاب میرے لیے اعزاز کی بات ہے، پاکستان میری ٹائم کا سمندری تحفظ میں اہم کردار ہے۔

انہوں نے کہا کہ امن مشن وقت کی اہم ضرورت ہے۔ فوڈ سیکیورٹی، سیاحت کے شعبے سمندرکی اہمیت کو اجاگر کرتے ہیں۔ بلیو اکنامی کو ملک کی معیشت کے لیے استعمال کیا جاسکتا ہے۔

سمندری وسائل استعمال کرنے سے آنے والی نسلوں کا فائدہ ہوگا

بلاول بھٹو نے کہا کہ سمندری وسائل استعمال کرنے سے آنے والی نسلوں کا فائدہ ہوگا، پاکستان 85فیصد تجارت سمندر کے ذریعے کرتا ہے۔

یہ بھی پڑھیں: پاکستان انٹرنیشنل میری ٹائم ایکسپو اینڈ کانفرنس کی میڈیا بریف کا انعقاد

وزیر خارجہ کا کہنا ہے کہ دہشت گردی اور منشیات کی اسمگلنگ بڑے چیلنجز ہیں، دہشت گردی اور منشیات اسمگلنگ کے چیلنجز کا مقابلہ کرنا ہوگا۔

بلاول  بھٹو زداری نے مزید کہا کہ موسمیاتی تبدیلی سے سمندر کی سطح بلند ہو رہی ہے، موسمیاتی تبدیلی سے گلوبل وارمنگ بھی بڑھ رہی ہے۔

پاکستان انٹرنیشنل میری ٹائم ایکسپو اینڈ کانفرنس کی نمائش کا افتتاح

دوسری جانب پاک بحریہ کی جانب سے وزارت میری ٹائم افئیرز کے تعاون سے پاکستان انٹرنیشنل میری ٹائم ایکسپو اینڈ کانفرنس (پی آئی ایم ای سی) کا انعقاد کیا گیا ہے، اس وقت اس نمائش کی افتتاحی تقریب ایکسپو سینٹر کراچی میں جاری ہے۔

ترجمان پاک بحریہ کے مطابق وزیر خارجہ بلاول بھٹو زرداری پی آئی ایم ای سی کی افتتاحی تقریب کے مہمان خصوصی ہیں جبکہ چیف آف دی نیول اسٹاف ایڈمرل محمد امجد خان نیازی بھی اس موقع پر موجود ہیں۔

پاک بحریہ کے ترجمان نے بتایا کہ آج کی اس تقریب میں سول ملٹری، غیر ملکی اور مقامی مندوبین کی بڑی تعداد بھی شریک ہے۔

ترجمان کا کہنا تھا کہ پاکستان انٹرنیشنل میری ٹائم ایکسپو اینڈ کانفرنس 12-10 فروری تک کراچی ایکسپو سینٹر میں منعقد کی جا رہی ہے، اس نمائش کا مقصد قومی اسٹیک ہولڈرز اور بین الاقوامی برادری کے درمیان پاکستان کی بلیو اکانومی کی استعداد کے بارے میں آگہی کا فروغ ہے۔

یہ بھی پڑھیں: پاکستان انٹرنیشنل میری ٹائم ایکسپو اینڈ کانفرنس کے پریمیئر ایڈیشن کا سافٹ لانچ

ترجمان پاک بحریہ نے بتایا کہ اپنی نوعیت کی اس پہلی نمائش اور کانفرنس میں غیر ملکی اور مقامی فرمز سمیت تقریباً 130 سے زائد نمائش کنندگان شرکت کر رہے ہیں۔

ترجمان کا مزید کہنا تھا کہ نمائش کے ساتھ پاکستان نیوی کے زیراہتمام 10 سے 12 فروری 2023 تک نیشنل انسٹی ٹیوٹ آف میری ٹائم افیئرز (این آئی ایم اے) کی جانب سے انٹرنیشنل میری ٹائم کانفرنس کا انعقاد بھی کیا جا رہا ہے جہاں ممتاز بین الاقوامی اور قومی اسکالرز اپنے مقالہ جات پیش کریں گے تاہم کانفرنس کا عنوان ‘ بلیو اکانومی کا فروغ، ترقی پذیر ممالک کے لیے چیلنجز اور مواقع’ ہے