کراچی پولیس آفس پر حملے سے متعلق جاری  تفتیش  کے دوران اہم پیشرفت سامنے آئی ہے۔

ذرائع کے مطابق   کراچی پولیس آفس پر حملے کے وقت اطراف میں قائم پولیس کی تین چوکیاں خالی تھیں۔

یہ بھی پڑھیں: کراچی پولیس آفس حملہ؛ پولیس اور رینجرز اہلکار سمیت 4 شہید، تمام دہشت گرد جہنم واصل

ذرائع کا کہنا ہے کہ دہشت گرد پولیس لائن سے اندر داخل ہوئے۔ دہشتگرد کے پی او میں عمارت کی عقبی دیوار سے کود کر اندر داخل ہوئے۔

ذرائع کا مزید کہنا ہے کہ پولیس لائن کوارٹرز کے داخلی اور خارجی راستے پر سیکیورٹی کے انتظامات نہیں تھے۔

ذرائع کا کہنا ہے کہ  پولیس لائن میں 150 کوارٹر میں پولیس اہلکاروں کے اہلخانہ رہائش  پذیر ہیں۔ پولیس لائن کوارٹر میں سی سی ٹی وی وی کیمرے نہیں تھے ۔

یہ بھی پڑھیں: پشاور پولیس لائن دھماکے کے شہداء کی تعداد 100 ہوگئی

ذرائع نے انکشاف کیا ہے کہ دھماکے کے بعد بھی کے پی او کے اطراف پولیس چوکیاں خالی پڑی ہیں ۔

واضح رہے کہ گزشتہ روز کراچی پولیس آفس پر حملے میں پولیس اور رینجرز اہلکار سمیت 4 افراد شہید ہوئے تھے جبکہ حملہ کرنے والے تینوں دہشتگرد بھی مارے گئے۔