نیول چیف اور کمانڈر یو ایس نیول فورسز کے درمیان بحری اور دفاعی تعلقات کو فروغ دینے کا عزم کا اعداہ کیا گیا ہے۔

پاک بحریہ کے ترجمان کے مطابق  چیف آف دی نیول اسٹاف ایڈمرل محمد امجد خان نیازی کی کمانڈر یو ایس نیول فورسز سینٹرل کمانڈ وائس ایڈمرل برڈ کوپر سے ملاقات ہوئی ہے۔

ترجمان نے بتایا ہے کہ ملاقات کے دوران باہمی دلچسپی کے امور، علاقائی میری ٹائم سیکیورٹی صورتحال اور دو طرفہ بحری تعاون پر تبادلہ خیال کیا گیا۔

ترجمان پاک بحریہ کا کہنا تھا کہ ملاقات میں دونوں ممالک کے مابین باہمی بحری اور دفاعی تعلقات کو مزید فروغ دینے کے عزم کا اعادہ کیا گیا۔

ترجمان کا کہنا تھا کہ کمانڈر یو ایس نیول فورسز سینٹرل کمانڈ نے پاک بحریہ کی جانب سے امن مشق 2023 کے کامیاب انعقاد پر ایڈمرل محمد امجد خان نیازی کو مبارک باد پیش کی۔