شازیہ مری نے کہا ہے کہ بلاول بھٹو زرداری کی پہلی ترجیح سیلاب متاثرین کی بحالی ہے۔

تفصیلات کے مطابق وفاقی وزیر اور ترجمان پیپلزپارٹی پارلیمنٹیرینز شازیہ مری نے اپنے ایک بیان میں کہا کہ صدر آصف علی زرداری کی ترجیح ملک کا استحکام اور جمہوریت کی بقا ہے۔

انہوں نے کہا کہ وزیر خارجہ بلاول بھٹو زرداری نے ملک کے خارجہ امور کو درست سمت دیدی ہے جبکہ وزیر خارجہ بلاول بھٹو زرداری نے ملک کا کھویا ہوا وقار بھی بحال کیا ہے۔

شازیہ مری کا کہنا تھا کہ ملک میں انتشار پھیلانے والوں کی حوصلہ شکنی کی ضرورت ہے، بلاول بھٹو زرداری کی پہلی ترجیح سیلاب متاثرین کی بحالی ہے۔

وفاقی وزیر اور ترجمان پیپلزپارٹی پارلیمنٹیرینز شازیہ مری کا مزید کہنا  تھا کہ آج ہر طرف وزیر اعظم بلاول کے نعرے گونج رہے ہیں، افسوس میڈیا کی ساری توجہ جی ٹی روڈ پر لگے ہوئے تماشہ پر ہے۔