پنجاب حکومت کی جانب سے پی ٹی آئی کو 19 مارچ کے جلسے کی اجازت نا دینے کا فیصلہ کیا گیا ہے۔

اس حوالے سے ذرائع کا کہنا ہے کہ تحریک انصاف کی جانب سے 19 مار چ بروز اتوار کو مینار پاکستان کے مقام پر جلسہ کرنے کا اعلان کیا گیا تھا جسے فی الحال لاہور ہائی کورٹ کی جانب سے روک دیا گیا ہے۔

دوسری جانب پنجاب حکومت نے بھی اس معاملے پر پی ٹی آئی کو اجازت نا دینے کا فیصلہ کرلیا ہے۔

یہ بھی پڑھیں: لاہور ہائی کورٹ نے تحریک انصاف کو اتوار کے جلسے سے روک دیا

صوبائی حکومت کے مطابق تحریک انصاف کو جلسے یا ریلی کی اجازت نہیں دی جائے گی  جبکہاتوار کو ریلی نکالی گئی تو دفعہ 144 نافز کردی جائے گی۔

خیال رہے کہلاہور ہائی کورٹ نے سابق وزیراعظم عمران خان کی گرفتاری کے لیے پولیس آپریشن پر روک میں مزید ایک دن کی توسیع کرتے ہوئے پاکستان تحریک انصاف (پی ٹی آئی) کو اتوار کو مینار پاکستان پر جلسہ کرنے سے بھی روک دیا ہے۔

واضح رہے کہ عمران خان نے اتوار (19 مارچ) کو لاہور میں مینار پاکستان (گریٹر اقبال پارک) میں ایک تاریخی جلسے کا بھی اعلان کیا تھا تاکہ سیکیورٹی خدشات کے باوجود پارٹی کی انتخابی مہم شروع کی جا سکے۔