خراب موسم کے باعث ایوان صدر میں یوم پاکستان کی پریڈ منسوخ ہوگئی ہے۔

اس حوالے سے ایوانِ صدر کی جانب سے جاری ہونے والے بیان کے مطابق یوم پاکستان کی پریڈ اب 25 مارچ کو ہوگی۔

واضح رہے کہ اس مرتبہ معاشی حالات کے باعث پاک فوج کی پریڈ شکر پڑیاں کے بجائے ایوانِ صدر میں منعقد کرنے کا فیصلہ کیا گیا تھا، روایتی پریڈ محدود پیمانے پر کروانے کا فیصلہ کفایت شعاری پالیسی کے تحت کیا گیا تھا۔

خیال رہے کہ یوم پاکستان (23 مارچ ) پورے ملک میں ملی جوش و جذبے سے منایا جا رہا ہے۔

مزید پڑھیں: ملک بھر میں آج یوم پاکستان قومی جوش و جذبے کیساتھ منایا جا رہا ہے

دن کا آغاز، علی الصبح تمام صوبائی دارالحکومت میں 21 جبکہ وفاقی دارالحکومت میں 31 توپوں کی سلامی سے ہوا۔

ملک بھر میں یوم پاکستان کی مختلف تقاریب کا انعقاد وفاق اور تمام صوبوں میں جوش و جذبے کے ساتھ منایا منایا جا رہا ہے۔

تراسویں یوم پاکستان اس دفعہ رمضان المبارک کے بابرکت مہینے کے آغاز میں آیا ہے جو اس بات کی بھی یاد دلاتا ہے کہ پاکستان کا قیام بھی رمضان المبارک کے مہینے میں ہی عمل میں آیا۔

یہ بھی پڑھیں؛ یوم پاکستان، مزار اقبال پر گارڈز کی تبدیلی کی پروقار تقریب