صدر مملکت نے کہا ہےکہ پاکستان اور انڈونیشیا قریبی دوست ہیں۔

تفصیلات کے مطابق صدر مملکت ڈاکٹر عارف علوی نے انڈونیشیا کے صدر کے نام خط لکھا جس میں صدر مملکت نے انڈونیشیا کے صدر سےانڈونیشیا میں  پاکستانی سرمایہ کار ، ملک محمد آصف کو کاروباری معاملات میں مشکلات پیش آنے پر مدد فراہم کرنے کا کہا۔

ڈاکٹر عارف علوی نے انڈونیشیا میں پاکستانی سرمایہ کار کے معاملے پر جلد پیش رفت کیلئے انڈونیشیا کے صدر کی ذاتی توجہ کی درخواست کی جبکہ صدر مملکت نے خط میں انڈونیشیا  کے صدر اور عوام کیلئے نیک خواہشات کا بھی اظہار کیا۔

اس موقع پر صدر مملکت ڈاکٹر عارف علوی نے کہا کہ پاکستان اور انڈونیشیا  قریبی دوست، اسلامی تعاون تنظیم کے تناظر میں دوطرفہ شراکت دار ہیں ، دونوں برادر ممالک نے معاشی و تجارتی تعلقات بڑھانے ، تاجروں کو سہولت فراہم کرنے کیلئے کوششیں  کی ہیں۔

قبل ازیں ملک محمد آصف نے صدر مملکت سے انڈونیشیا کے صدر کی توجہ دلانے اور منصفانہ بنیادوں پر معاملہ حل کرانے کیلئے درخواست کی تھی۔