پی ٹی آئی کے رہنما ارسلان تاج نے کہا ہے کہ ہم ایسی پارٹی پر لعنت بھیجتے ہیں جو پیپلز پارٹی کے ساتھ معاہدے کرے۔

تفصیلات کے مطابق پی ٹی آئی کے رہنما ارسلان تاج نے پریس کانفرنس کرتے ہوئے کہا کہ حافظ نعیم بتائیں بی ٹیم کیا ہوتی ہے؟ یہ سندھ اسمبلی کے باہر بیٹھ جائیں، ہم تو پر امن احتجاج کر رہے تھے، ہم تو نماز جنازہ کے لیے کھڑے تھے، یہاں پولیس اور واٹر کینن کھڑی تھی، ہم نے کون سی دہشت گردی کی؟

ارسلان تاج نے کہا کہ ہم ایسی پارٹی پر لعنت بھیجتے ہیں جو پیپلز پارٹی کے ساتھ معاہدے کرے، پریزائڈنگ افسران کہہ بھی رہے ہیں کہ پیپلز پارٹی کے پاس موجود فارم 11 میں تبدیلیاں کی گئی، حافظ صاحب بی ٹیم کا ہمیں بتائیں، آپ شاہراہ فیصل جائیں اسمبلی جائیں اور مقدمات نہ ہوں، بی ٹیم تو آپ ہیں۔

ان کا کہنا تھا کہ ہم غائبانہ نماز جنازہ ادا کر رہے تھے اور باہر لاتعداد نفری لگائی گئی، ہم لعنت بھیجتے ہے ایسے شخص پر جو زرداری سے بات کرے، حافظ صاحب زرداری عمران خان کے قتل کے سازش میں ملوث ہے، ہم کیسے ان سے بات کر سکتے ہیں؟

ضرور پڑھیں؛ کراچی کے لوگ پیپلز پارٹی سے نفرت کرتے ہیں، آفتاب صدیقی