تحریک انصاف کراچی کے صدر آفتاب صدیقی نے کہا ہے کہ سندھ حکومت نے صوبے میں مقبوضہ کشمیر جیسے حالات بنا دیے ہیں۔

تفصیلات کے مطابق تحریک انصاف کراچی کے صدر آفتاب صدیقی نے انسداد دہشتگردی عدالت کے باہر گفتگو کرتے ہوئے کہا کہ ایف، آئی آر میں ارسلان تاج کو نامعلوم افراد میں شامل کر کے گرفتار کیا گیا، ایف آئی آر میں میرا نام نہیں کل ہمیں بھی ایسے لے جائیں گے۔

آفتاب صدیقی نے کہا کہ رات ساڑے 10 تک ارسلان تاج کی گرفتاری کو پولیس نے ظاہر نہیں کیا، سندھ حکومت نے مقبوضہ کشمیر جیسے حالات بنا دیے ہیں، ہمیں ایم کیو ایم سے نہ ملایا جائے کیونکہ ہم نے بوری بند لاشیں نہیں دیں، پورے پاکستان میں ہماری تحریک چل رہی ہے ایک گملا نہیں ٹوٹا۔

ان کا کہنا تھا کہ 16 گھنٹے بعد ایف آئی آر کا پتہ چلا، سیاسی جماعتوں کا کام یہ نہیں ہوتا کہ ان کے لوگوں کو اغواء کر لیں پھر لوگوں کو ڈھونڈیں، ہمیں ڈر تھا ظل شاہ کی طرح ارسلان تاج کو بھی قتل نہ کر دیا جائے۔

ضرور پرھیں؛ تحریک انصاف کی انتخابی ریلی کو ناکام بنانے کے لیے لاہور پولیس سرگرم