تحریک انصاف کے سینئر رہنما خرم شیر زمان نے کہا کہ چیف جسٹس سے گزارش ہے کہ سیاسی انتقامی کارروائیوں پر سوموٹو نوٹس لیں۔

تفصیلات کے مطابق خرم شیر زمان نے اپنے اہم بیان میں کہا کہ کراچی میں حسان نیازی کیخلاف درج مقدمے کی مذمت کرتے ہیں، کراچی میں جائز ایف آئی آر کروائیں تو پولیس سے وہ ہرگز نہیں کی جاتی مگر جھوٹے جعلی مقدمے بنانے کیلئے سندھ پولیس کا کوئی جواب نہیں۔

ان کا کہنا تھا کہ امپورٹڈ حکومت عمران خان کے لوگوں کو توڑنے کی ناکام کوشش میں بدنام ہو رہی ہے، عدالت کا واضح حکم ہے سیاسی مقدمے نہیں بنائے جائیں مسلسل عدالتوں کی توہین افسوسناک ہے۔

انہوں نے کہا کہ حسان نیازی، ارشد صدیقی، اظہر مشوانی کس کس کو کب تک جیلوں میں ڈالیں گے؟ ملکی نظام میں جنگل کا قانون ہے یہاں شریف لوگوں کیلئے زمین تنگ کی جارہی ہے۔