وزیر منصوبہ بندی احسن اقبال کی زیرصدارت سی ڈی ڈبلیو پی کا اجلاس ہوا جس میں11 ترقیاتی منصوبوں کی منظوری دی گئی ہے۔

تفصیلات کے مطابق وزیر منصوبہ بندی احسن اقبال کی زیرصدارت سی ڈی ڈبلیو پی کے اجلاس میں 64 ارب روپے مالیت کے 11 ترقیاتی منصوبوں کی منظوری دی گئی ہے۔

اجلاس میں6 کروڑ روپے کی لاگت سے اسلام آباد میں نیشنل پولیس ہسپتال بنانے، 91 کروڑ روپے مالیت کے سی پیک سپورٹ پروجیکٹ، 37 ارب روپے مالیت کے لاہور سیالکوٹ موٹر وے لنک ہائی وے منصوبہ، 1 ارب 17 ارب 17 کروڑ روپے کے ڈھڈیال بائی پاس ڈسٹرکٹ چکوال کی تعمیر، لاہور میں 1 ارب 37 کروڑ روپے کے ریڈیولاجی ڈیپارٹمنٹ کی اپ گریڈیشن اور 7 ارب سے زائد مالیت کے پاکستانی یونیورسٹیوں کے لیے فیکلٹی ڈویلپمنٹ پروگرام کی منظوری دی گئی ہے۔

یہ بھی پڑھیں؛ اگر ہم نے برآمدات نہ بڑھائیں تو ہماری خود مختاری داؤ پر لگ جائے گی،احسن اقبال

اجلاس میں وزیرستان میں 2 ارب روپے کے انسٹی ٹیوٹ آف پروگریسو سائنسز اینڈ ٹیکنالوجی کے منصوبے، 1 ارب 27 کروڑ روپے کی عطا آباد جھیل سے وسطی ہنزہ کے لیے گریٹر واٹر سپلائی سکیم اور پنجاب میں سستی رہائشی سیکم کے لیے 3 ارب روپے کی تکنیکی امداد کی بھی منظوری دی گئی ہے۔