وزیر منصوبہ بندی احسن اقبال نے کہا ہے کے وفاقی حکومت تمام صوبوں کو ساتھ لے کر چلے گی۔

تفصیلات کے مطابق وزیر منصوبہ بندی احسن اقبال کی زیرصدارت مردم شماری مانیٹرنگ کمیٹی کا اجلاس ہوا جس میں مردم شماری کی سرگرمیوں، فیلڈ آپریشن اور دیگر امور میں پیش رفت کا جائزہ لیا گیا۔

احسن اقبال نے متعلقہ حکام کو مردم شماری 30 اپریل تک مکمل کرنے کی ہدایت دیتے ہوئے کہا کہ کچھ شرپسند عناصر اس عمل کو سبوتاژ کرنا چاہتے ہیں لیکن مردم شماری کو کسی قسم کے تنازعات اور  اسکی شفافیت پر سمجھوتہ نہیں ہو سکتا۔

انہوں نے کہا کہ سندھ حکومت کے تحفظات کو دور کرنے کے لیے چیف ادارہ شماریات وزیراعلیٰ سندھ کل ملاقات کریں گے۔

یہ بھی پڑھیں؛ زرعی ترقی سے ان گنت معاشی فوائد اورغربت کا خاتمہ کیا جاسکتا ہے، احسن اقبال

وزیر منصوبہ بندی احسن اقبال نے وفاقی حکومت تمام صوبوں کو ساتھ لیکر چلے گی، حکومت تمام فیصلے اتفاق رائے سے کرنے پر یقین رکھتی ہے۔

اجلاس میں وزیراعلٰی سید مراد علی شاہ، چیئرمین نادرا، چیف ادارہ شماریات اور صوباٸی چیف سیکرٹریز نے شرکت کی۔