وزیر بلدیات سندھ ناصر شاہ نے کہا ہے کہ ہمارے ملک کے نظام عدل میں انصاف خود کٹہڑے میں ہے۔

تفصیلات کے مطابق وزیر بلدیات ناصر شاہ نے ملکی سیاسی صورتحال پر دلچسپ تبصرہ کرتے ہوئے کہا کہ ہمارے ملک کے نظام عدل میں انصاف خود کٹہڑے میں ہے، اس کو کبھی انصاف نہیں ملا جو انصاف کیلئے بھٹکتا رہا، انصاف صرف اس کو ملا جنہوں نے ناانصافی کی تمام حدیں پار کردیں۔

انہوں نے کہا کہ جو انصاف شہید بھٹو کو ملا وہ انصاف آج تک شرمندہ ہے جبکہ جو انصاف عمران نیازی کو ملا وہ تحریک انصاف کا ہی انصاف ہے۔

یہ بھی پڑھیں؛ بلاول بھٹو کے ویژن کے تحت سندھ حکومت کام کر رہی ہے، ناصر شاہ

ان کا کہنا تھا کہ اس ملک میں اب یہ وقت بھی آگیا ہے کہ ریاست خود انصاف کی منتظر ہے، کل جنہوں نے قانون توڑا وہ رمانڈ پر ہیں، جس کے لئے توڑا وہ گھر چلا گیا۔