اسٹیٹ بینک نے بینک صارفین کیلئے اہم خبر کا اعلان کردیا ہے۔

تفصیلات کے مطابق بینک دولت پاکستان 24 مارچ 2023 بروز جمعہ کو زکواۃ کی کٹوتی کے لیے بینک تعطیل کے موقع  پر عوام سے لین دین کے لیے بند رہے گا جبکہ یکم رمضان المبارک 1444 ہجری جمعرات 23 مارچ 2023 کو ہونے کا امکان ہے جو کہ پہلے ہی عام تعطیل کا دن ہے۔

واضح رہے کہ تمام بینک، ترقیاتی مالی ادارے اور مائیکروفنانس بینکس مذکورہ تاریخ پر عوام الناس سے لین دین کے لیے بند رہیں گے۔

تاہم بینکوں، ترقیاتی مالی اداروں اور مائیکروفنانس بینکوں کے تمام ملازمین بینک تعطیل کے موقع پر دفتر میں حاضر ہوں گے اور  یہ  کام کرنے کا عام دن تصور کیا جائے گا۔