وفاقی وزیر داخلہ رانا ثناء اللہ نے کہا ہے کہ حکومت امن وامان کے قیام کیلئے اپنی ذمہ داری پوری کرے گی۔

تفصیلات کے مطابق سماجی رابطے کی ویب سائٹ ٹوئٹر پر وفاقی وزیر داخلہ رانا ثناء اللہ نے اپنے ایک بیان میں کہا کہ عمران نے جیل بھرو تحریک کا حشر دیکھ لیا ہے۔

انہوں نے کہا کہ ہجوم کو ساتھ لے کر آنے کا مقصد عدالتوں کو مرعوب کرنا تھا، مجرمانہ نیت کے ساتھ لوگوں کواکٹھا کرنے کیلئے مہم چلائی گئی۔

ان کا کہنا تھا کہ ہنگامہ آرائی پراب تک 29 افراد کو گرفتار کیا گیا ہے جبکہ نامزد 150 ہیں۔

رانا ثناء اللہ نے کہا کہ ہنگامہ آرائی میں جو ملوث ہیں ان کے علاوہ کسی کو بھی نہیں پکڑیں گے لیکن ملوث عناصر کو نہیں چھوڑا جائے گا۔

انہوں نے کہا کہ قوم سے درخواست ہے کہ اس فتنے کو پہچانیں۔

ان کا کہنا تھا کہ اس طرح تو عدالتیں کام کرنے کی قابل نہیں رہیں گی، قانون اور عدالتوں کو قانونی راستہ اپنانا چاہیئے، کسی کو بھی لاڈ پیار نہیں دینا چاہیئے۔

وفاقی وزیر داخلہ رانا ثناء اللہ نے مزید کہا کہ حکومت امن وامان کے قیام کیلئے اپنی ذمہ داری پوری کرے گی۔

یہ بھی پڑھیں؛ قوم ووٹ کی طاقت سے عمران خان کو مائنس کرے گی، رانا ثناء اللہ