پارلیمانی لیڈر سندھ اسمبلی خرم شیر زمان نے کہا ہے کہ پولیس صرف سیاسی بنیادوں پر نشانہ بنانے کے لئے استعمال ہو رہی ہے۔

تفصیلات کے مطابق اب پتہ چل گیا تحریک انصاف کے خلاف کارروائی کیوں ہو رہی ہے، دو روز قبل ہم نے سندھ حکومت کی جانب سے کی گئی مہنگائی کے خلاف احتجاج کیا تھا، پیپلز پارٹی کو عوامی ایشوز پر بات کرنا برا لگ گیا۔

خرم شیر زمان نے کہا کہ سندھ میں کھربوں روپے کی کرپشن کو سامنے لانے پر پی پی ہم سے ناراض ہے، ارسلان تاج نے شرجیل میمن اور آصف زرداری کا نام لیا، پاکستان میں بربادی کی سازش بلاول ہاؤس میں ہوئی، مہنگائی کے باعث تمام چیزیں عوام کی پہنچ سے دور کر دی گئیں، ہمیں دہشتگرد بنا دیا گیا ہے۔

ان کا کہنا تھا کہ دن دہاڑے کراچی پولیس چیف کے دفتر میں دہشتگرد گھس رہے ہیں، شہریوں سے لوٹ مار ہو رہی ہے، پولیس کہاں ہے؟ پولیس صرف سیاسی بنیادوں پر نشانہ بنانے کے لیے استعمال کی جا رہی ہے۔

ان کا مزید کہنا تھا کہ آج نہیں تو کل عمران خان نے آنا ہے، اتنا ظلم کرو جتنا برداشت کر سکو۔

ضرور پڑھیں؛ تحریک انصاف کی انتخابی ریلی کو ناکام بنانے کے لیے لاہور پولیس سرگرم