یوٹیلیٹی اسٹورز پر مختلف برانڈز نے اپنے اشیاء کی قیمتوں میں اضافہ کر دیا۔

تفصیلات کے مطابق یوٹیلیٹی اسٹورز نے قیمتوں میں اضافے کا نوٹیفکیشن جاری کر دیا ہے، قیمتوں میں اضافے کا اطلاق فوری طور پر نافذ العمل ہو گا۔

نوٹیفکیشن کے مطابق ایک لیٹر دودھ یکمشت 30 روپے تک مہنگا کر دیا گیا، فی لیٹر دودھ کا پیک 217 سے بڑھ کر 247 روپے تک ہو گیا۔

900 گرام چائے 250 روپے تک مہنگی یعنی 900 گرام چائے کا پیک 1490 روپے سے بڑھ کر 1740 روپے تک ہو گیا۔

200 گرام کریم کی قیمت 20 روپے مہنگی کر دی گئی جبکہ ایک ہزار ایم ایل جوس کی قیمت میں 10 روپے کا اضافہ کر دیا گیا ہے۔